2025.12 玄真閣
2025年12月22日 18:30
「感恩 師父！其實唔係咁㗎師姐（ 法玄師父的弟子）！
我等咗好耐啦，師父！有頭髮邊個想做癩痢？我真係等咗好耐好耐，耐到唔記得，兩世？三世？四世定係十世，（大哭）真係唔記得啊！
師父！我同佢本來係兩姐妹，但係家境唔好，我好細個（3，4歲）就比父母賣咗比人，無辦法啦！明白佢哋都唔想嘅，我冇嬲佢哋！但我長大之後，養父母家境好好，開始做生意，仲做得好唔錯。
後來，嗰個孖生妹妹，知道（有個孖生姊妹）我哋環境好好，佢就千方百計搵機會認返我。（我）一個千金小姐，機本上唔會有機會接觸其他人。就係要出行，都有好多家丁同近身丫鬟侍候。
唔好意思 師父，阻您！
佢詐詐諦諦*撞到我，嚇我一跳，點解有個人同我咁似樣嘅？
（充滿怨氣） 師父呀⋯⋯
佢見返我，我好意外，但我冇多諗，（因為）我唔知自己唔係父母親生女。
之後，一次又一次偶遇，佢終於好奇怪咁問我：『妳好靚呀，小姐！但點解我哋有啲似樣嘅？對唔住，我唔係想高攀，我係諗，唔知我哋係唔係遠房親戚呢？你話呢？』
我無理佢，叫丫鬟打發佢⋯⋯
長話短說。唔敢阻 師父咁耐。
有一日，我收到（佢做假）消息，話出外做生意嘅父親意外受傷，需要家人去照顧。我母親年紀大，我唔敢驚動佢，我就同母親講：『天氣要轉涼，唔知父親有冇帶夠衣服，我又好掛住當我如珠如寶嘅父親，我想去見下父親，速去速回。』母親雖然擔心，但都毫無懷疑，我就立刻簡單準備行裝出行。
師父，唔想阻 師父咁多時間。其實我想詳細講俾 師父知，但又唔可以要 師父咁勞累，對唔住！我再簡單啲講。
（偶遇幾次之後。）
佢，搵方法呃我出去，然後叫佢個老相好弄死我。本來佢係要個男人整暈我，帶我去遠遠不能回來嘅地方。點知個男人一時重手，整死咗我。呢個男人，今生都喺佢身邊，師父都識嘅。
我死得好怨枉，死唔眼閉。佢就從此風花雪月。當然，佢呃晒所帶人都呃唔到我（養）父母親。我母親係最早發現佢唔係我，好多地方佢都露出馬腳。始終，一個千金小姐，同一個鄉村妹，隻字都唔識嘅鄉村妹，係有好大好大分別嘅，係咪呀，師父！
當然，父親好快亦都知道佢唔係我，唔係佢哋個寶貝女。（善靈又哭起來）
師父，咁，不如就講到呢度啦！ 師父都知道我哋嘅怨仇啦！
師父，我死唔眼閉，我好冤呀，師父⋯⋯
師父！多謝您尋日無打散我，仲教我要修行，要俾心機學，要今生返上去。多謝 師父不殺之恩！多謝 師父開示、救渡之恩！ 師父再生之恩，弟子無以為報，會生生世世跟隨 師父學道，永遠追隨 師父，祝 師父法體康健、長住在世、普渡有緣！
弟子伏拜謝恩！感恩 師父！
感恩 慈悲祖師爺！
感恩 慈悲伏英老師公！
感恩 諸佛菩薩！
感恩 二哥（先）師父！
再次感恩 恩師救渡之恩！
感恩 師父！
感恩 師伯同大大師兄！
大大師兄好乖！感恩佢哋護持 師父、不離不棄！
感恩再感恩 恩師！
弟子誠心拜別！
善靈跟 二哥先師離去。
19:10 畢
19:52
法玄在弟子家吃飯。突然咳了一聲。師父在想，新收錄的晴明錄，讓法柔（亞佩）知道的話，她承受得住嗎？
善靈：「師父，如果您講咗，我就會舒服啲。」
法玄隨即簡單帶出話題：
「法柔，呢幾日覺得點呀？入咗門，成為弟子，要繼續做好每日嘅功課。過往生自己明知或無知所犯嘅錯，要誠心懺悔，願多生冤親債主原諒並得受（ 祖師爺、諸佛菩薩）加持往生淨土。妳有一樣做得好嘅事，就係接受自己曾經做錯，甘願從新開始（做好自己），呢一樣，係我哋大家都要堅持，繼續要做好嘅事。大家加油呀！」
19:55 善靈隨即：「多謝 師父！」
事緣
入門第三天，重要儀式準備開始時，亞佩不停大動作地點頭， 師父施法斥令善靈「速走」，隨即亞佩頭部向後仰了一仰，身體跟着向後一晃，原本合十於胸前的雙手竟合掌向上高舉並向後晃動，狀似被「人」扯着往後拉，師父斥令亞佩將雙手放低，「她」悶哼了一聲， 師父再口令她「誠心合十，放於胸前」，然後以 祖師爺於第一天過教時賜她的法號嚴令她，只見亞佩有點不情願地放低高舉的雙手，合十於胸前，並一反這幾天在館沉靜的常態，高聲地回應 師父， 師父慈悲開示「她」，「一切已成過去」，並命亞佩「帶同她的怨親債主好好修道，今生回天」。
2025年12月22日 18:28左右 大圍茶餐廳
師父、法然師伯與弟子法X、法Y在茶餐廳「飲下午茶」，對於過教當日，亞佩在 師父過法時，雖然緊閉雙眼卻能神奇同步地配合着猛吸，此事令法X嘖嘖稱奇，懷疑這並非亞佩本人，就此向法Y談起，就在這時， 師父接收過案⋯⋯
詐詐諦諦：或作「詐諦」，粵語詞彙，意思指假裝、裝模作樣。
延伸閱讀
《晴明錄》我係陳福水
《晴明錄》我係陳福水個家姐
《晴明錄》我係陳福水個家姐嘅同鄉 真正功德係誠心懺悔
《晴明錄》 自己因果自己孭返
《晴明錄》沙膽標：如果有來生，我唔會再做壞人
《晴明錄》我真係想攞佢命
107 total views, 1 views today