2025馬來西亞檳城龍山堂邱公司
2025年12月8日 12:15
「師父！係，佢害死我，害得我好慘，血海深仇⋯⋯我死得好慘呀！
師父，我搵咗佢好耐，跟咗佢幾世，都無機會攞佢命。真係殺人放火金腰帶，補橋修路無屍骸！
對唔住，阻 師父食嘢！
我今次真係唔想再放過佢。
嗰一世，我哋兩主僕，佢係老闆娘，我係幫佢打工，咩都要做嘅，連狗都不如嘅人。
我任勞任怨，咩都肯做，從無半句怨言，因為我係一個孤兒，十六歲就多得老闆娘收留我，我幫佢打工。佢做茶樓酒館，我忙前忙後，半句怨言都冇，因為真心多謝佢俾個有得遮頭地方，（俾我）住廚房，冬冷夏熱只有自己知，苦不堪言。
我唔怕做，因為有得做就有得食（剩飯剩菜）。但瞓就係茅草鋪地，我從冇嫌棄。
佢老公，陳茂勝，化咗灰都會認得。嗰個衰人（陳茂勝），貪我後生，樣子順眼，等事頭婆瞓咗，半夜三更，摸黑入廚房，強姦咗我。仲威脅我，唔好俾老闆娘知，如果唔係，佢就唔會放過我，會話係我勾引佢。我好驚（執住被陳茂勝扯開衫鈕嘅衫），失魂落魄，淨係識得喊，拿住（胸前被扯開）件衫喊過不停。佢（陳茂勝）一而再再而三恐嚇我，我淨係識得一路喊，一路點頭（好驚好驚）。
點知，食過翻尋味。個衰人，成日半夜三更嚟搵我，搞我。終於有一晚老闆娘半夜醒咗，唔見老公喺身邊，覺得事有蹺蹊，出嚟搵老公。聽到廚房有（古怪）聲，怒火中燒嘅老闆娘，一腳踢開廚房門，捉姦在床。當然，我冇床嘅，係捉姦在地，茅草鋪地。
（當時）個衰人仲話係我勾引佢，仲話我要挾佢，如果佢唔就範，（我）就話俾老闆娘知，話佢強姦我。（個衰人實在強姦咗我，仲將佢恐嚇我所講過嘅說話，反轉話係我講嚟寃枉佢。）
師父呀⋯⋯ 師父⋯⋯
我真係好想講⋯⋯發生呢件事之後，當時老闆娘就捉住我，順手執起地下條柴枝，瘋狂打我。雖然，跟住⋯⋯個衰老闆係咁撳住（老闆娘），隔開（我哋），都用幾勁嘅力，（但阻唔到老闆娘對我暴打，）個衰人就驚得滯，即刻（急步狂跑）離開廚房。老闆娘繼續發洩，打一輪之後，就衝入自己個房，老闆娘同個衰人嘈起上嚟。
之後（老闆娘）佢鍾意就打我，但就冇趕我走。因為得我一個（在店幫手做工），前前後後，都係我在幫佢手，冇其他人。
隔幾耐？我唔記得，大概一兩個月，老闆娘突然一晚半夜怒火沖天，衝入廚房，手執起把（菜）刀，一刀劈落我個頭嗰度。我大聲叫，我想逃走，走唔郁，頭破血流，啲血經過對眼，不停咁流落嚟，手起刀落，（再）一下大力劈喺條頸嗰度，我就一命嗚呼！
師父，未算慘呀！佢仲繼續手起刀落，好似剁（豬肉）餅咁，喺我身上剁咗廿幾卅下。佢覺得好攰，手停落嚟，先知道搞出人命。
（死之前）我大聲呼叫嘅時候，嘈醒咗個衰人，（個衰老闆）手揸住油燈，向住廚房衝入嚟，睇吓發生咩事。佢眼見到我眼珠都跌咗出嚟嘅時候先知道發生咩事。
師父，我已經死喺老闆娘手上，死得好慘，但係亦都算心甘。第一，因為佢收留我；第二，我有飯食，有地方住，我（俾佢老公攪都係）對佢唔住。
但死咗之後，佢哋唔知點攪（掂我條屍），個衰人，竟然提議將我斬件。當時知道發生咗事，自己殺咗人之後嘅老闆娘，亂晒籠，冇晒意見，跟住個衰人嘅話（將我）斬件，（分幾個地方）拋屍荒野。
師父，真係唔好意思，食物都凍晒，對唔住！
師父，長話短說，我死唔眼閉，雖然（最初）冇怨老闆娘，自覺唔死都冇用，因為對佢唔住。但死後處理（我嘅屍體），我實在忍冇可忍。我（被斬件棄屍）死不超生，無處可歸⋯⋯
師父，真係，真係對唔住，阻你食嘢！
如果有機會，我仲有好多嘢想同 師父講。
而家唔敢再講（唔想阻 師父食嘢）。 師父，多謝您俾寶貴時間聽我呢個冤魂講嘢！
我走啦，有機會再同 師父講！但願真有機會再嚟見 師父！
多謝 師父！感恩 師父！
（二哥先師和護法使者準備帶冤靈離開。）
二哥，多謝！二哥嚟帶我走啦！多謝 二哥！
（二哥教講）
感恩 祖師爺！
感恩 伏英老師公！
感恩 諸佛菩薩！
感恩 二哥師父！
感恩 師父慈悲！」
12:42
事緣
幾天前，在馬來西亞行程中收到善信朋友萍姨問：「師父幾時返嚟呀？返嚟搵我飲咖啡啦！」
7號晚返抵家中，翌日早上應約，與萍姨在居所附近某茶餐廳食晏。
剛坐下，萍姨叫了一個菠蘿油，法玄點了一個番茄雜菜包。萍姨隨即嘆了一口氣：「唉， 師父，你話點解會咁嘅？（我個妹）雲姨細女又有事呀！」
接着，萍姨簡單說出瑤瑤最近發生的事：
一個星期前，瑤瑤同媽媽（雲姨）講，過了今個月10號生日就會「走」。雲姨聽到女兒這樣說，心裏覺到好奇怪，但沒有即時加以追問。過了幾天，未到生日，瑤瑤食了25粒安眠藥，割頸，割手腕，留下兩句說話就（準備）「走」。當時雲姨正在看抖音，沒有及時睇到留言。到雲姨看到女兒給她的微訊時，嚇了一跳，即刻跑去睇個女。用鎖匙打開房門，見到個女瞓咗喺地下，頸同手腕流緊血，人已暈迷。雲姨立刻打電話叫救護車，救護車很快到，將瑤瑤送到山頂醫院。幸好及時救治，暈迷了幾日，還有幾天才十七歲的瑤瑤醒了。
萍姨的話音剛落，法玄知道是冤靈討命，有個案要做記錄，對萍姨說：「你先吃，我寫啲嘢先。」
靈體急不及待，向師父（法玄）申訴與事主前幾世發生的事。
萍姨靜靜地享用她的包點。法玄把冤靈所說的一字一句，清清楚楚記下。
寫了三幾分鐘，法玄叫的雜菜包亦已送達。冤靈投案，法玄從來不敢怠慢，不會只為自己飽腹而令冤靈錯過伸訴之重要機緣，繼續用手機做記錄。
相熟的女侍應亞Ling見包點已送到枱上十多分鐘，法玄仍在低頭撥弄手機，沒有準備進食的動作，溫馨提示：「食咗先啦，凍晒啦！」
也是的，人們常說食嘢要趁熱，打鐵要趁熱，怨靈有機會申訴也懂得絕對不能錯過，同樣是打鐵趁熱，把握時機。
但願，眾生都能放下，活得逍遙自在。
師父寄語：
因果現前 誰能逃脫
六道輪迴，過去世發生的事，大多數人早已忘記得乾乾淨淨。然而，因果不是兒戲事，不息的循環，善惡報應總有時。
今生的受害人，可能是前世的作惡者，輪迴轉生，記憶模糊。但冤有頭債有主，前生受害人成為怨親債主，隔世追兇，才導致事主說不出甚麼原因，總是感到被人傷害，或是無原無故要傷害自己，甚至有放棄寶貴生命的想法或行為。
無論今生的樣子或性別與前生是否一樣，孽力在身，冤家路窄，報應現前，難以逃脫。
理性的相信因果，是真真正正能自救和保命的最有效方法。因為相信天理循環，自然會珍惜生命，也會因為行善修福，心境平和，身心健康，人際關係改善，讓自己改變命運，成為一個幸福的人。
當然，善緣具足，福慧雙修，此生才是真正圓滿。
153 total views, 1 views today