「我哋有一樣嘢千祈唔好劃咗個等號，學問未必等如有創意嘅，因為好多好有學問嘅人呢無乜創意嘅，好多知識好豐富嘅大學教授，學問好到不得了，完全無創意嘅，創意係點樣用腦，學問只係收料，你要收咗料之後再拎出嚟，呢啲又有創意又有學問嘅人唔係好多。」(1:42:53-1:43:40)
「最緊要係啲資料點樣用呀，盡信書就不如無書，第二，思少只因讀書多，你唔好成日(只)顧住去讀學問呀，你要用吓學咗返嚟嘅學問，你唔用呢，你就變咗一個資料收集員呀！你唔係一個創意人呀！你永遠走去收料，(資料)永遠唔夠㗎，今日嘅(資)料聽日就已經唔同㗎喇，所以(只)收料係唔夠嘅，你收到咁上下，你就要旭手去做，去將佢(資料)諗啲創意出嚟，呢個我覺得緊要過淨係(讀)學問。老老實實，而家有個電腦通晒全世界嘅library(圖書館)，唔需要博學強記㗎喇，以前啲人，咩叫好學問，就(係)佢記書記得熟，識背，而家成套古今圖書集成，入晒電腦呀，你一入(㩒掣)，chum~(形容好快)，你搵嘅嘢(資料)，就print(列印)晒出嚟……個電腦同你做記憶嗰部份，你自己將佢點運用(思考、創意)緊要過(強記)，唔好成日做一個收料嘅researcher(收集員)。」(1:44:17-1:45:32)
黃霑 創意與創造力講座 Innovation and Creativity (2000年)
94 total views, 1 views today