2026年9月26日 02:30
先法力：「師父⋯⋯ 師父⋯⋯
我想同您傾吓偈啊！唔好意思，阻 師父休息。
見 師父而家先得閒啲，想親自嚟多謝 師父。好感恩 師父幫我睇住兩個女，感恩 師父！
師父，唔好咁夜瞓，對身體唔好，要多啲休息。佢哋（啲女）搵您，您唔使睬佢哋㗎！
師父，係，嗰日係我敲個鐵門， 師父都知，係我。我覺得佢哋有冇攪錯？咁嘅態度、咁嘅姿勢，真係一啲禮貌都無！唔係無人睇到就可以鍾意點就點，無家教。
係，係我教得佢哋唔好。所以佢哋心裏面係點，真係點（諗），佢哋自己知，我都知。我曾經都係咁樣對 師父、咁樣諗 師父，同咁樣講過 師父（壞話）， 師父當然知道。係 師父大慈大悲唔同我哋計較，放生我哋。
但 師父，無用㗎，冇良心嘅人（同）師兄弟都唔少。當然， 師父（一早）知道，又係唔同佢哋計較⋯⋯
唉⋯⋯ 師父！
好難得 祖師爺俾機會我嚟搵 師父、同 師父傾偈。我知道有個咁難得嘅機會，我一早諗定晒、諗好晒、要精簡啲⋯⋯好多嘢想同 師父講⋯⋯
（法力突然流眼淚，跪在地上。）
師父，我好後悔冇聽 師父講原諒佢⋯⋯楊生。係， 師父同我講得好詳細，教我點樣俾條梯佢行；要原諒佢、俾機會佢，等佢有個完整嘅家，仔女有個完整嘅家⋯⋯
係，雖然我返咗上去，但係因為 師父慈悲幫我求 祖師爺，我先可以破格上咗去。係就係上咗去，但要「守行為」，意思係要一段時間內，真真正正反思呢生人做錯咩嘢、要點樣補救⋯⋯諸如此類。
（另外都要）多謝 二哥，感恩 二哥提我，唔好講咁耐， 師父攰、要休息。 二哥（真係）好好，教咗我好多嘢，就好似以前*（我哋一齊喺人世間）咁相處，好親切。 二哥（喺上面）真係好忙，同 師父一樣，有做唔晒嘅個案。我見到 二哥辦公枱上面嘅快勞（晴明錄）好多好多，好高好厚（做咗一個手勢：有半米咁高），有咁厚！（呢啲全部都）係 師父⋯⋯等緊 師父接嘅快勞（晴明錄個案），好得人驚。
（呢啲工作量）一生人唔瞓都做唔晒，何況 師父咁忙。而且講真， 師父都係人，都要休息。修行人咁忙，真係好少見。係我死後 —— 唔係，係往生後（03:03.1伸右腳、痛），（我）先知咁多（秘密）。弟子真係好慚愧！
（此時右腳突然感到一陣抽痛）
師父，我仲未講到重點啊！但 師父真係好攰，有機會，真係有機會先，再嚟同 師父講心事。多謝 師父，早啲休息！感恩 師父慈悲！
感恩 祖師爺！
感恩 伏英老師公！
感恩 諸佛菩薩！
感恩 二哥大佬！
師父，原來有一生 二哥係我大佬，好錫我，真係好錫我！
多謝 二哥大佬（先法力開心嘻嘻笑）
師父，好好休息！真係唔使理佢哋㗎。
多謝 師父！
合十恭身後退，緊緊跟隨 二哥離開
12 total views, 10 views today