《晴明錄》回魂夜遇前生恩公,入體護主反成禍

 

 

2026年11月17日 20:02 (珠海)

 

 

善靈哭着:「師父呀⋯⋯(大哭)嗚嗚⋯⋯

 

師父求吓您幫吓佢、幫吓我啦!我哋好慘㗎。

 

我係佢鄰居,前生都識佢,佢(前生)幫咗我好多,我都未報答到佢,佢就死咗。我好掛住佢,想報答佢,原來要報恩一啲都唔易,更何況,我知道無良心嘅人好多,忘恩負義嘅人多到數不勝數。

 

師父,前生我哋好窮,我帶住兩個細路,食都冇得食。呢個鄰居單身寡佬,佢自己都係唔好環境,都接濟我哋孤兒寡母,我好多謝佢。但可惜,呢個寡佬,好後生嘅寡佬自己都無得食,有幾多都接濟我哋、分俾我哋。唔係佢咁幫我,我哋都死咗好耐。可惜,好心無好報。呢個寡佬,人哋叫佢生叔;我,無人喺度嘅時候,我叫佢恩人、恩公。恩公一次意外,返魂乏術。恩公係一次山泥傾瀉,突發意外時,捨身救人,自己受咗重傷,無錢醫,拖吓拖吓就死咗。

 

師父,講返今生,我係佢鄰居,當然,大家都唔知同對方嘅關係(前生緣分)。話就話係鄰居,但唔係住喺左鄰右舍嘅鄰居——隔離座?定係⋯⋯都唔清楚(唔記得)?

 

(今生)係我死咗,回魂夜撞返佢,認得佢。但師父呀,恩公佢而家有事,唔係我整佢㗎,反而係我見返佢,認得佢,我好想同佢講多謝恩公救命之恩,點知⋯⋯當然,要講佢都聽唔到啦!

 

我跟住佢,跟咗幾日,先知道原來有個紅衣女(靈)想攞佢命,要佢死無全屍。我想阻止,但阻止唔到,因為佢好高法力,怨氣好重。我唯有一路跟住恩公,盡我最低最低、好有限嘅靈力去保護恩公。可惜,紅衣女太重怨氣,一定要攞恩公命;我自己又力不從心,終於我諗到辦法——我走入恩公身體,先入為主,希望可以保住恩公(條命)。

 

對唔住,阻 師父食嘢,多謝 師父慈悲、拋低家人朋友,聽我呢個冤魂傾訴。師父,我入咗去幾個月㗎啦,但都保唔住恩公,仲影響恩公身體,真係好對恩公唔住⋯⋯

 

早幾日,我知道再咁樣落去都唔係辦法,幫唔到,仲反而害咗恩公。所以我諗住先離開一下再去諗辦法,睇吓可唔可以班救兵。因為嗰個紅衣女想攞(恩公)佢命,三番四次都唔成功,因為有道阻力;紅衣女都係四出搵『人』幫手,當然,都係幫唔到。

 

師父,長話短說,師父剛才都知——『呢單嘢好麻煩,手尾好長』。師父,我出唔到嚟,好辛苦,就嚟散晒;恩公佢都係好辛苦。師父,好多謝您肯接收呢個訊息!好多謝 二哥俾我開口同 師父講嘢。師父,請您大發慈悲幫吓我哋⋯⋯

 

(20:30)呀,得咗啦 師父!多謝 師父!感恩 二哥同 菩薩!

 

二哥教我講,要誠心感恩 祖師爺、伏英老師公同佛菩薩!

 

係呀係呀。

 

好感恩⋯⋯感恩 祖師爺、伏英老師公同佛菩薩!

 

好多謝恩公(前妻)個妹、多謝(法靈)師姐!

 

我而家跟 二哥師父去報到!多謝 二哥師父!感恩 二哥師父!

 

最後,想求 師父幫吓我恩公,幫吓佢家人!來生有機會,我一定報答恩公。

 

(二哥領善靈離去)

 

我要走啦!」

 

善靈急急忙忙跪下合十、趴在地上流着眼淚謝 師父再生之恩

 

南無阿彌陀佛

 

20:37 畢

 

 

20:52 善靈再次出現,哭着跪在地上,一再叩頭又叩頭,表示對 師父的感恩。

 

 

事緣

 

事主(前生「寡佬恩公」)出生1964年2月29日,現正在觀塘基督教聯合醫院留醫。事主今年6月尾開始感到不適求醫,化驗後發現「個肺花晒」(肺部有陰影),於7月15日入院,經反覆檢查才證實事主得了肺線癌。事主一向沒有吸煙、飲酒習慣。

 

事主(今生)前妻的妹妹為 師父多年善信,她透過妹妹向法靈師姐向 師父求助。

 

 

 

 29 total views,  12 views today

 

Others Post...