一會，亞娣返回壇。
亞娣站在壇前，面向壇，伸了個懶腰，雙目閉緊，面露微笑說：「伸吓條腰吓！」說罷即雙手向壇不停拜拜， 師父慈悲笑笑。
師父：好開心喎，開心晒喎……拜請我哋 祖師爺？
亞娣：係！(再向側拜拜)
師父：係呀，拜請 觀音菩薩，壇上眾位仙師，誠心三拜。(慈悲笑)
亞娣「嘔」氣，又打了個呵欠。
師父：(笑)鬆晒係咪？好開心？
亞娣：(雙手額前合十)多謝多謝多謝多謝……
師父：多謝邊位呀？
亞娣：(合十，雙目閉緊，開心的說)多謝六壬師~傅~！ (雙手合十胸前)
師父：六壬師傅？
亞娣：多謝觀世音菩薩！
師父：多謝我哋 六壬祖師爺！
亞娣：我叫師傅得唔得呀？
師父：梗係 祖師爺嘛！六壬祖師！
亞娣：ok，好(點頭，合十拜拜)，好，好。
師父：梗係啦！
亞娣「嘔」大氣，下跪，拜拜。
師父：好乖喎……
亞娣：五方五土……門神，地主地門……財神，多謝多謝，(右手向地主做了一個「請」的手勢)佢好得力，佢(原本)唔肯俾我入去(壇)嘅，(雙手拱揖拜了一拜)，我求佢俾我入去得唔得，佢依家俾我入去(壇)。
師父：係呀，咁你要好誠敬……你留心聽我講，好不好？（已被先老爺上身的亞娣精神散亂， 師父耐心跟她講話。）
亞娣：好。(又「嘔」一下大氣，雙手於胸前位置握住。)
師父：你呢，要好誠敬多謝，好感恩我哋 祖師爺， 六壬仙師，嗱，妳誠敬三拜，向壇前三拜我哋 祖師爺，(亞娣跪坐壇前，誠心合十，三拜)係喇，仲有我哋 伏英老師公，仲有就係 觀音菩薩，仲有我哋嘅 護法， 花果山水濂洞齊天大聖爺啦，仲有就係 關聖帝君仙師、 地藏王菩薩、 彌勒佛、壇上眾位仙師、 十八羅漢尊者(亞娣不住點頭)，頭先你有講喇， 五方五土龍神、 前後地主財神，同埋 護壇福德正神(亞娣不住點頭)，「佢放你入嚟」，係咪呀？(亞娣大力點頭，「唔」了一聲。)好有(權)力係咪呀？
亞娣：「係。」
師父：唔俾你入嚟，你入唔入到嚟呀？(亞娣搖頭)入唔到㗎，因為我哋法壇，護壇㗎嘛 (亞娣點頭)，雖然跟人可以入到嚟。好喇，咁你跟人入到嚟喇，要誠敬三拜呢，先係拜咗我哋 祖師爺，壇上眾位 仙師，同埋 護法菩薩喇，再誠敬拜 五方五土龍神，前後地主財神，咁呀……咦……你會稟上嚟，你係邊位呀？
亞娣：(鼻子哼了一聲，笑着說)啱啱講咗囉。
師父：(厲聲)講咗，你自己要再講吖嘛。
亞娣：(雙手合十胸前，雙目仍閉上，跪直身子，笑說)都係「盧家師爺」囉~。
師父：(笑)「盧家師爺」……你講到自己(笑)咁大(亞娣笑)，好喇，「盧家師爺」呵，(亞娣笑着跪坐地上)，你開心咗好多喎，同頭先差好遠喎，開心晒喎，係咪呀？「盧家師爺」？(亞娣笑笑口聳聳肩不停點頭)好吖，你咁開心就好啦，點解咁開心我都想知道。
亞娣：無，(乾脆坐在地上)可能是之前我自己……成日「竹直」呀吓……
師父：咩……咩吓？
亞娣：好「作着」……
法尊師兄：執着。
亞娣：係！即係話推薦我個心(新)抱，去為人民為人民，(雙手摸摸臉頰，笑笑口)，你知唔知呀，正話(剛才)我聽到你講嘢㗎喎……
師父：(笑)你聽到我講嘢，係嘛？
亞娣：係呀！(好開心的樣子，雙手食指摸了一下雙耳，用力點頭)嗯……(聳聳肩點頭)
師父：你聽到我講嘢？
亞娣：係！係！聽吓……我覺得好似有道理咁喎！(雙手拱揖)……係喎！(邊說邊點頭)
師父：吓，好似有道理，唔係真有道理呀？
亞娣：(點頭)有道理！所以呀，我覺得依家個人自己好似放鬆咗喎，係呀，唔好成日咁……
師父：咁執着。
亞娣：係！咁執着(雙手握拳)……
師父：埋怨。
亞娣：(雙拳緊握)想我心(新)抱！為人民為人民為人民為人民，咁囉！
師父：係呀，佢唔係自願，同埋佢無呢個能力，你知唔知道呀？「盧家師爺」，你個心(新)抱無呢個能力，無條件幫人呀，(亞娣點頭)，佢有少少，但係未經過正式嘅……(亞娣突然裂嘴笑，右手舉起大姆指)，做乜嘢呀？
亞娣：我心急想佢快趣啲為人民吖嘛(拍一下手掌)！( 師父笑)，我又想認第一吖嘛(笑)！
師父：你又想認第一呀？
亞娣：係呀！所以成日稱呼自己「師爺」嚟嘅！我依家自己頭腦(右手大力拍打後腦)清醒咗喎？
師父：清醒咗呀？
亞娣：(聳下肩)係呀！
師父：好唔好再叫自己「師爺」呀？
亞娣：(笑着揮手搖頭)醜死呀，(雙手拍打臉頰，笑)醜死醜死！
師父：唔好囉呵，醜怪呵。咁應該點樣稱呼你好呢？你又諗個名啦。(亞娣雙手掩面，似在想又想不到)，又唔係「盧家師爺」，因為唔好吖嘛，咁大，我哋 祖師爺先叫 師爺嘅啫，你唔可以叫自己「師爺」。
亞娣：(雙手放膝上，左右擰擰頭)點稱呼呢……
師父：我叫你「盧師兄」啦，好無？
亞娣：我心(新)抱稱呼我做「先老爺」㗎……
師父：咁你心(新)抱梗係稱呼你做「先老爺」啦，咁我依家同你傾緊計，你上嚟……你點解要上嚟呀？你又要上你心(新)抱度，你係想講啲咩？係咪有嘢要想講呀？
亞娣：(笑)我想妳呢~幫吓我心(新)抱，幫佢攪番掂(雙手合十，握着作求情狀)，依家聽聽妳咁講(雙手掩着兩頰)……我個人呢……而家呢好似係成身鬆晒(雙手向外擺擺)，如果我心(新)抱唔想做喎，妳幫佢攪番掂，(抱拳)幫佢呢……學吓話齋，佢以前之前做過㗎嘛，唔多唔少都有少少嗰啲……(雙手手掌向下撥)下邊嗰啲呀……好多陰神呀(聲調低沉小聲說)，嗰啲……(身體微微抖震)古靈精怪嗰啲陰神……跟……佢尾㗎……
師父：係呀。
亞娣：佢有時時運……低少少呢，好易「野」嗰啲嘢㗎，(雙手放膝上)想妳幫幫手，幫佢攪番掂嗰啲嘢 ( 師父：唔，唔。) ……攪番掂嗰啲嘢，等佢呢，做番個位正常人囉，唔使成日話見到嗰啲嘢，成日話呢度唔舒服嗰度唔舒服。(鼻子呼出一口長氣)
師父：你又話擔大旗嘅喺下面，你幫唔到佢咩？
亞娣：(打一個突)唏……而家幾廿歲啊(低聲說)，以前就有能力(說罷頭側了一下)，依家無乜能力呀。(頭又側了一下)
師父：你無能力，你無牙力……牙力都無埋？你無叫啲「人」唔好攪佢咩？
亞娣：我幾廿歲呀依家，(很着急)鬍鬚去到呢度呀！(右手挘挘下巴的「鬚子」再指指胸前，樣子顯得很委屈。)
師父：咁你依家點呀喺下邊？呢幾十年你點過呀？
亞娣：(哭)唔好講喇(揮揮右手)……唔好講……
師父：嗱，功德嚟嘅，你講唔講呀？
亞娣：(哭) 唔好講(右手打大腿)……(哭)
師父：唔想講？
亞娣：唔想講……嗚……鳴……嗰幾廿年好慘……真係好慘……鳴……(雙手緊按大腿，一直哭)
師父：嗱，你講出嚟，你覺得好慘，你唔想講，(亞娣：好慘……好慘……鳴……)，咁樣我哋而家喺壇前，如果你講出嚟，睇吓會唔會(亞娣邊哭邊搶着說：「好，我講出嚟！」) 祖師爺同埋 觀音菩薩慈悲，俾個功德你。
亞娣：我講出嚟，嗚……等我個心舒服啲好過啲，(泣不成聲)，嗚！我幾廿年，我真係好慘，嗚……嗚……(搖頭，泣不成聲)，其實……佢哋啲人話招咗我番去，其實……(猛搖頭)好少(會)招到(返)陸上(右手掌心向上揮揚)，多數住下邊！
師父：多數喺水下面。
亞娣：係！多數喺下邊(雙手向下擺動)，
師父：啲人就以為招咗你番屋企。
亞娣：係呀！嗚……(用力點頭)
師父：其實你無番到去。
亞娣：有呀有……少！
師父：少返到去？
亞娣：少返去，少返去。
師父：點解呀？
亞娣：所以我叫我心(新)抱，「你快啲去『求拆』(求方法拆解)，『無人救拜神』(無人救到就自己拜神)」，等我好過啲，成日可以「少等來」(話帶鄉音)，幫吓人，其實我住下邊好慘！好慘好慘好辛苦！(說時右手手背不停拍打大腿，說罷再大力拍了一下地磚。)
師父：喺下面好慘好辛苦，你依家講嘅喺下邊，喺水下面還是係地獄嗰度？
亞娣：(大聲)講以前，唔係依家！
師父：你喺水下面。
亞娣：係啊，講以前，我正話(剛才)唔想講以前嗰啲嘢，講起以前我真係好……(擰擰右手低頭喊)
師父：你講得出嚟，如果會覺得舒服啲，同埋如果呢個係一個功德，幫到人嘅話……
亞娣：我真係好辛苦，唔想講……唔再講呢啲……
師父：明白嘅！
亞娣：講……盞我辛苦，我個心(新)抱又辛苦(邊哭邊大力拍打大腿)，你睇吓佢依家都未好過嘅，佢依家真係三魂都唔見七魄，成日都唔得頭腦清醒，唔係我攪佢嘅吓，唔係我攪佢……
師父：係因為你心抱以前做落咗，係咪？係咪嗰啲？
亞娣：係呀，有啲人想佢……交番啲……叫做搵餐食，想佢交錢交銀，交番啲銀，燒番啲金銀紙俾佢，拜吓！(影音記錄 MOV_0006)
亞娣：燒多啲，要呢啲，陰神……
師父：但係收到嘅咩？收唔到喎……(影音記錄 MOV_0007)
(明天續)
3,687 total views, 8 views today