時間：2026年6月9號 19:45
地點：屯門某廣場升降機內
「師父，多謝您， 師父望咗一眼，我解脫啦！
真係好奇怪，我千方百計想走返出嚟都唔成功， 師父法眼望吓就幫咗我，都幫咗個亞婆。多謝 師父！感恩 師父！
師父，我跟咗佢好耐，都係自己多事，八八卦卦，（當年）見到佢執紙皮，好似好辛苦咁，咪諗住幫吓佢囉。原來唔得㗎！第一，我無咗肉身；第二，自己無咁嘅能力。出於懶好心*，八八卦卦，太入神，唔知點樣，都係（真係）都唔知點樣，「𠽌」一聲，「成個人」入咗去。
最慘係入咗去邊度呀⋯⋯ 師父！入咗去個石洞⋯⋯咩石洞？乜人身體裏面有石山石洞咩？好奇怪呢， 師父！
就係啦，就係 師父睇咗一眼嗰度啦！
大家都好想知道係咩，係邊度呢？
唔好估啦，估唔到嘅！
就係個背嗰度⋯⋯駝住個背嗰度⋯⋯
師父，話俾您聽啦！嗰度真係好似個石山、山洞咁。唔止係咁，仲係冤崩爛臭，真係慘過喺舊式公廁度瞓⋯⋯嗚ur～ （反胃聲）
師父，唔好意思，阻 師父食飯！ 二哥叫我快啲講，俾 師父舒舒服服食餐飯。（善靈回答 二哥）知道， 二哥！唔好意思， 師父！
係，我盡快講，長話短說⋯⋯
我係橫死嘅，喺屯門高速公路。一時貪快，急急腳衝出馬路，嘭一聲，即刻報到。
但我死唔忿氣，千方百計，偷走出去，從此流落街頭，做個無主孤魂。
（二哥一再催促時，善靈很有禮貌地回應 二哥）『係，係，係，知道，知道！
二哥，多謝！感謝！感恩 二哥！
係，係，係！』
鬼差嚟咗， 師父⋯⋯（善靈聲音突然變得又沙又弱）我講唔到啦，講唔落去啦⋯⋯
師父，請您老人家保重，食熱飯，飲熱湯，早睡早起，保重身體！將來，第二世，如果可以，我想做您個仔，好好報答您，孝順您！多謝 師父！感恩 師父！多謝 二哥，感恩 二哥！」
二哥夾*善靈離開。
善靈隨即被兩位鬼差夾着，雙腿拖住地面，離開時，急急擰轉頭補充再說：「多謝 祖師、 師公、 師父！」
善靈瞬間被拖離現場。
20:08 畢
懶好心：廣東話，「懶」又作「讕」，多為貶意；「懶好心」指沒能力、沒心裝載或不關自己事但又硬要幫忙。
「𠽌」一聲：廣東話，「𠽌」為常用的象聲詞；形容物體很快經過的聲音。
冤崩爛臭：又作葾肨爛臭，廣東話俗語，形容臭氣熏天。
夾：廣東話，指強行帶走。
11 total views, 2 views today