2025年4月23日 08:10
「師父，係我。
係，又係我。我都唔想，但見到佢，佢乞人憎個樣，我就心火上。
師父，上次之後，我跟二哥走咗，去咗一個唔知係邊度嘅地方，嗰度好多人， 污糟邋遢，臭崩崩，我喺嗰度留咗幾耐，唔知道。
有一日，放假，係，係清明，我哋放假，去受香火。唔知點解，我喺墳地行咗幾個圈之後，我就不知不覺間離開大隊偷走咗。
（之後）我都知衰啦，冇得歸隊，就係死路一條。我越諗越唔忿氣，係個衰人累死我嘅。
我越諗越嬲，真係想搵佢出嚟打佢一身。之前 師父同佢講過要念經同懺悔。佢有咩？有，做過下咁囉。
佢真係唔知衰，唔知死，真係唔抵幫。師父，呢啲咁嘅人，由得佢自生自滅啦！
對唔住，師父，我唔應該咁樣講嘢！佢係衰，我唔應該學啲咁嘅衰人咁。師父教我哋嘅嘢，我哋都要記住。多謝師父，感恩 師父！我會改，一定會。我唔可以辜負 師父對我哋嘅一番心意，救人一命勝造七級浮屠，我哋好感恩 師父，好感恩，好感恩 師父！
師父，您咁攰都幫人，真係唔話得。多謝 師父，感恩 師父！
師父，我都要認命，冤冤相報何時了。上次跟二哥去嗰個地方，我（而家）知道，係等時間，等分派去唔同嘅地方上堂、補功德。係自己唔爭氣，野性難馴，仇人見面份外眼紅，害人害己，累埋 師父（接個案）。
師父，您老人家清楚，我唔想咁，我唔想跟住個衰人四圍去。但又點啫，我係無主孤魂，遇到仇人，唔跟佢跟邊個？
如果佢老母唔係搵 師父，我有排跟，跟住佢，跟到老，跟到（佢）死，睇佢幾時死。
師父，您個仔好靚仔呀，又孝順，師父真係有福氣。（有一把聲說：梗係啦，幫咗咁多人。）
師父，唔好意思，又攪到 師父。（二哥說：你知就好啦！）
係嘅 二哥，係嘅 師父！自己要爭爭氣氣做人，做鬼都唔好做衰鬼、賤格鬼、鹹濕鬼、貪心鬼⋯⋯
（二哥到來。）
師父，我知衰啦！我甘願受懲罰，我而家跟 二哥走啦！我真係會乖，會聽話，師父唔使擔心！仲有，我原諒咗佢啦，祝佢好運，會唔會遇到其他仇人我就唔知啦！希望佢好自為之。
感恩 祖師爺！
感恩 師父！係，
感恩 師公同菩薩！
感恩 二哥！
感恩所有人！
09:25
事緣
4月21日
思思（化名）與表姐們在一餐廳吃飯聚會，該餐廳位於一個人流不算多的商場3樓，而當日她們坐的又是角落位置，有點暗，不過思思當日並未感到不適。
4月22日
下午4時左右，上課途中，思思突然感到很不舒服，好凍，一直「透唔到氣」（呼吸不到），想嘔。放學回家，情況沒有好轉，發微燒，人很累想瞓，沒有胃口，食不下東西。大概很不舒服的緣故，思思不斷嘆氣，一直待到傍晚 6時左右，媽媽法X見她雖然睡着了，卻不斷輾轉反側，左右腳反覆交替地踢向空中。喊她也沒反應。
事後思思回憶說：「夜晚，媽媽話我一直發燒，我當時唔係好清醒，側身瞓喺床，半夢半醒之間覺得腳有光？影？飛嚟飛去，好似有嘢掃隻腳，於是我用腳一路撥，當時我合埋眼，feel到腳有嘢，膝頭下，半截，小腿位置⋯⋯」
晚上10時，法X再查看思思情況，替女兒探熱，38度幾，她仍是想嘔但嘔不到，全身沒有氣力。法X見狀，即帶思思往鏡湖醫院看急症，經醫生檢查，找不到病因，建議她留院觀察，但法X怕醫院氣場不好，跟醫生說希望女兒改為在家觀察，醫生同意，簽了兩天假紙給思思，由於找不到病因，醫生於是重開之前的感冒藥（思思之前一個星期因感冒看醫生），並說：「如食呢2日藥，冇嘢就ok，有嘢就再睇。」
4月23日
零晨回到家，思思睡了一個小時左右，起床以法水*吞送藥丸，10分鐘後即噴射式地嘔吐（她之前一整天都是想嘔嘔唔到，好辛苦），法X形容嘔的全部都是「水狀」，思思嘔完覺得舒服了好多，恢復點點食慾。
早上8時，由於心感女兒是非一般發燒，法X遂打電話找 師父求救。師父指示思思，三天留家不要外出。法X要在家的 觀音菩薩供奉壇（同時供奉本門 祖師爺聖像封面的 祖師爺經）接續地上塔香，塔香要不斷地在家裏燃點着。師父並指示法X翌日晚上十時再給電話報告思思情況。
早上10時，思思胃口恢復了不少，可以喝開光果皮粥粥水，之後開始退燒，情況一直好轉，及至傍晚過後完全退燒，據思思形容：「尋日（23日）keep住一時好凍，一時好熱⋯⋯」晚上當感到精神好了，思思不敢偷懶，即在 壇前誦經和叩頭謝恩。
法X回想覺得很玄妙，因為去年賀 祖師爺誕晚宴抽獎獲得了一罐開光果皮！
法水：祖師爺開光的支裝水。
4月24日
思思精神好很多，可以誦經和叩頭謝恩，下午不累也沒睡覺了，沒有再想嘔，但仍感到「好凍」。
晚上10時，法X致電 師父，報告思思情況好轉，並告訴 師父，因學校難再請假，所以思思翌日準備回校上課。
師父教導思思：「唔好咁夜瞓，要誦經做迴向，要懺悔，呢段時間食清啲，『魂精*』要揸 祖師爺油*，祖師爺油唔使一定喺暈嘅時候搽，覺得唔自在唔舒服嘅時候都要搽。希望以後一路好起嚟。」
師父續教思思要學懂感恩：「（要）唔該 師公，唔好懶，功課要做。」並指示法X翌日晚上十時再聯絡 師父報告。
師父更指出23日與法X通電話後，即出了一份《晴明錄》。
是次電聯中，法X就關於續點塔香問題請問 師父，她說：「8cm嗰款（塔香），燒燒吓成餅一齊燒⋯⋯」師父指示她改為點立香，「續住上立香」，睡前上盤香。最後 師父叮囑法X要留意自己別冷倒，注意兩肩保暖別吹風。
魂精：即兩邊眼角外凹位的太陽穴。
祖師爺油：祖師爺開光的驅風藥油。
4月25日
思思返學時感到肚子有點痛，回到學校上課後便沒事了。
延伸閱讀：
216 total views, 2 views today