2025年4月13日 16:15
「師父，我好恨佢。師父講得好啱（我哋要知道點樣做人），係佢害死我。
佢之前講過就算大富大貴都唔會唔要我。講一套做一套，錢，唔係搵到好多就開始攪三攪四。
師父，唔好意思，阻 師父同大家開心傾偈。
師父，係，之前（一生）係我衰，衰貪心，貪佢靚仔，都算係好樣咁嘅。識佢嗰時，佢開始學人做生意，即係好似而家啲人走水貨咁。開始嘅時候，好艱難，佢都好勤力。慢慢，開始搵到錢，就學人拈花惹草。慢慢就忘記咗家中有個人（親密女人）等佢。
師父，就係咁啦，（師父知嘅咁）佢背信棄義，攪三攪四，仲唔認數。
佢漸漸離棄我⋯⋯我係俾佢逼死㗎（哭）⋯⋯師父！
多謝 師父！感恩 師父！對唔住 師父！
師父您好叻，知道晒！
（善靈知道是日 賀誕，很多人在壇前聚集，把想說的話很精簡的道出來。）
師父，講完之後，舒服晒，輕鬆晒！原諒左佢啦！（嚟緊要做手術）祝佢好運，真嘅，我真係原諒左佢啦！碧蓮
感恩 二哥師父！
師父，如果可以，我好想做您嘅徒弟啊，師父！
多謝 師父！感恩 師父！
感恩 祖師爺！（二哥教講）
感恩 （伏英老）師公！
感恩 二哥菩薩！
祝 師父身體健康！心想事成！
南無阿彌陀佛
16:28
⋯⋯
師父的話
是日，恭迎 伏英老師公寶誕！
請神畢。
與弟子信眾分享請神後的供品，大家在吃着壽桃包和煎堆的時候，法塵問道，夢境是不是真的呢？
法塵續說⋯⋯
「大約4個幾月前，我發夢，夢見自己落街*，就喺屋企樓下，見到左手邊有一堆人望向我屋企隔離嗰座，咁我就跟住啲人嘅方向望，但冇正眼望，只係眼尾睄吓*，點知睄到隔離座天台企咗個人（女人），知道呢個人準備跳樓，當時即刻諗起 師父（法尊先師）講過一句說話：『唔關自己嘅事就唔好望，唔好理咁多。』跟住就想走，擰轉面打算離開現場，點知眼尾仍不自控睄到佢跳樓跳咗一半，（夢中）即刻行咒，咁就醒咗。
醒咗發覺係半夜三、四點，個夢，好真實，場景同住緊嗰度差唔多一樣，只係天台個女人企嘅位置係凹咗落去。
之後過咗個零兩個月，覆診，肝臟例行檢查，（因為之前做咗心臟起膊器手術，多年嚟要食好多藥，所以要定期睇肝臟科。）點知照X光，話照到有個影，醫生寫紙再照第二次肝，都係話有影，確定肝有個瘤（cancer），跟住醫生再轉介我去外科，做手術，排期5月6日入院，5月8日做手術。
身體出現問題，唔知係咪同呢個夢有關？個夢係咪真嘅呢？」
法塵令到女的沒命，前生說她是他的「心肝寶貝」，最終卻背信離義，雖然最後她原諒了法塵，但這並不代表他什麼都不用做，相反，法塵必須誠心懺悔，做功課（誦經、鈔經）迴向給先碧蓮。
落街：上街外出
眼尾睄吓：用眼角瞄一瞄
160 total views, 2 views today