2023年8月27日 星期日 03:26
「師父，有冇打擾您休息啊？唔好意思，對唔住！
多謝 師父念經送俾我，多謝您！又多謝好多好愛錫我嘅人，多謝晒，唔該晒！」
很甜美的笑着：「未見到 師父之前，有好多說話想同 師父講。見到 師父之後，我好慚愧，好心痛（ 師父咁忙咁攰都幫人）。覺得自己好肉酸、好核突，唔識得珍惜（生命），覺得冇面見您。但（我哋）知唔知 師父好有心，為我哋唔抵爭嘅『人』做咗好多嘢，覺得點都要親身嚟多謝 師父先得。
對唔住，師父！（我）真係唔抵幫，肉酸，係自己攞嚟嘅。所以，師父，唔使幫我哋爭取（往生淨土）喇，唔值得，真嘅！
師父，覺得 師父好靚，人又靚，屋企又靚。相信就係『心常歡喜』嘅功效，真嘅。
師父，好多嘢想講，但係又覺得唔知邊度開始講好。
師父，點解咁夜都唔瞓？保重身體健康好重要，保重啊！
（地獄）下面好熱鬧，有人多嘅地方就好熱鬧，地獄都係咁。唔同嘅係，人間嘅熱鬧有真有假，陰間嘅熱鬧係好冰冷嘅，因為無溫度，冇體溫；冇身體，人嘅氣無再流動，冰冰冷冷。
師父，真係唔好咁辛苦喇，多休息，好好保重身體。唔該 師父幫我同 然哥講聲多謝！多謝 然哥保護 師父，愛錫 師父，做 師父嘅後盾！真係好多謝！
好多說話想同 師父講，好多心事想同 師父傾訴。但知道 師父要休息，已經同師父傾咗咁耐，我已經好感恩，好滿足；唔敢多想，唔敢貪心，多謝 師父！
好多『人』想我同 師父講聲多謝晒！多謝 師父慈悲，誦好多經文同咒語俾佢地，話如果有機會，真係想好好報答 師父救命之恩。多謝 師父！
多謝 二哥同您哋嘅 祖師，多謝 菩薩！多謝 師父！
我同二哥講，想下次有機會再同 師父講法，感恩 師父，多謝晒！
真好希望有機會再嚟見 師父呢！
請 師父保重！
南無阿彌陀佛
師父，我冇後悔，只係覺得，唔值得！」
話說至此，女善靈合十退離。
04:06
師父寄語
珍惜
凌晨，突然接收到這個訊息，本來已經很累的法玄，立刻一字不漏做記錄。快完成了，眼皮竟然不由自主的半開半合。
比起突然離世，沒有生命的人來說，法玄能做到的，該做的，都是順應 祖師爺的安排，出點點微力而已。
生命很寶貴，卻又脆弱。願往生者萬緣放下，往生淨土！願世間人都有緣分學道學佛，及早學會把握自己的命運，好好珍惜！
283 total views, 2 views today