2023年9月17日 15:17
「師父，係我，我好慘㗎！係佢，佢攞咗我命，我同佢無冤無仇，佢為咗條金鏈，攞咗就算喇，仲執條柴支，（哭）好尖㗎⋯⋯
一拮拮咗落嚟我條腰度，好長㗎（哭）好尖㗎⋯⋯ 師父！
師父，我好怨，好恨！我同佢無冤無仇，咁樣攞我命，我死都唔眼閉。臨死嗰時，我話過，就係我轉世做狗（佢做人），（見到佢）我都會（咬佢條頸）一啖咬死佢。
師父⋯⋯（哭）
點知，狗都做唔成，做咗厲鬼，四圍飄蕩，風吹日曬，日曬雨淋。
師父，我等咗好耐，搵咗好耐，先至見返佢。
但係，自己又無料，又無背景，搵到又點呀？得個睇字。直至之前，放大假（盂蘭節），我先可以埋佢身。好想整死佢，等佢知道咩叫做冤有頭債有主。
可惜，對手唔聽話，一啲力都無，捻住佢條頸，佢一啲感覺都無，死唔去。原來，想整死人係好難㗎，就係因為我哋無肉身，最多係整到佢上氣唔接下氣、食乜嘔乜。最多都只係咁。
師父，我好多謝你，俾機會我哋入嚟（館），二哥話要感恩 祖師爺慈悲！感恩 伏英老師公同 諸佛菩薩慈悲！感恩 師父慈悲！
師父，好多謝 二哥俾機會我哋入嚟！多謝 門口（護法）菩薩俾我哋入嚟！
二哥話長話短說。係，感恩 二哥菩薩！
師父，我仲有兄弟姊妹喺世間飄來飄去。希望 師父俾機會我哋，帶我哋返去（應該去嘅地方）。二哥話唔好得一想二。
師父，好多謝 師父俾機會我哋，多謝多謝，好多謝！
我走喇，跟 二哥菩薩返去，多謝 師父！
師父，如果有來生（做人），我好想跟 師父學道，真㗎！多謝 師父，感恩 師父！
師父，你個仔好靚仔啊！
多謝 師父！感恩 師父！」
善靈合十拜退。
（善靈忘記自己姓名）「好似姓張，好似姓黃，好似⋯⋯唔記得。」
15:46
——————————————————–
師父寄語
貪念起 良心滅
善靈是一位老婦人，很老很瘦，輕微駝背。
前生事主走頭無路，在某地方一個廚房，隱約見到老婦頸上戴着金鏈，貪念起，良心滅，有殺錯，無放過。
一個念頭，謀財害命，結下冤仇，冤親誓死奪命。事主有緣，得 祖師爺、諸佛慈悲，有緣解冤解結。
感恩 祖師爺！
感恩 伏英老師公！
感恩 諸佛菩薩！
——————————————————–
善靈後續講話
16:11
善靈充滿怨氣，十分激動，哭着跟事主講：「嗱，我依家俾條生路你行呀吓，你攞咗我命呀⋯⋯我死得好慘呀！
如果唔係（ 師父出手）我唔會放過你㗎！
係 師父俾機會我（講）呀！
我死得好慘㗎 ！你為條頸鏈呀！你咁都得嘅？你咁冇良心嘅，冇仇冇怨吖嘛！你做咩要咁樣啊？你害死我呀，我講咗（我哋係咩冤仇）㗎喇，你得閒睇返（內容）啦！
我（本來諗住）就係（我）做狗（你做人），都（要）一啖咬死你呀！你以為好得意呀？！」
靈體突然輕聲發出警告：「我唔會放過你㗎 ！師父叫我俾條生路你行，但係我⋯⋯唔會放過你呀，知唔知呀，你自己好自為之呀！
亞二哥話叫我走喎。你自己呀，記住呀，你（應承咗又）做得唔好⋯⋯（突然變得好冷靜，好冰冷無情，咬牙切齒說。）我下世呀，就算做條屍蟲呀，我都要吸你血，攞你命呀！你記住呀！」
——————————————————–
師父寄語
靈體短短1分半鐘的後續講話，再次道出對事主萬分痛恨之情。一個無緣無故被人殺害的人，死後變成厲鬼尋寃報仇，說話中，處處透露出深深的怨恨。
法玄跟事主亞露說明解寃結的真正方法，是誠心懺悔，每日懇切誠念《祖師爺經》，迴向多生寃親債主，以贖前愆。
奉勸世人，珍惜每個生命，切勿行差踏錯！
——————————————————-
事緣
2023/9/17 14:30 玄真閣
根據事主亞露口述，農曆7月14，亞露約了朋友食「生日飯」；過了幾天，她和男友參加了她先舅母*的殯禮，於開始「破地獄」時離開，離開前未有再向先人行禮；之後過了幾天，亞露感到身體不適，發燒，嘔吐，醫生診斷是「食錯嘢」。看醫生吃藥後，情況並沒有好轉，後來甚至只是喝暖水也嘔，「嘔到黃膽水出來」，吃了兩天藥，「頭仲係好重，連飲水都嘔」，「30幾度(氣溫)，要揸暖包」，「成日要瞓，成個人咩都諗唔到，個人好似靈魂出竅，飲水也覺苦。」
亞露覺得自己好有問題，於是打電話給 法慧師叔(亞露是 法慧師叔相識廿多年的舊同事)，法慧師叔將亞露的事上報 師父， 師父指示事主持素，柚葉沖涼(洗澡)，誦經。亞露跟指示做，2日後，「明顯精神咗，同埋想食嘢，個人清醒番」。
師父解釋，食素、誦經之後情況好轉，是因為 師父口令；其次，是功德迴向冤親債主，同時，不再與「人」結冤。
師父同時指出，亞露同行男友其實都有問題，他倆各自都「孭住啲嘢」，亞露的，是一個「婆仔，瘦瘦，駝背」；而她男友的，是一個男人，好惡。
師父指示事主及其男友，每天誠心誦念《祖師爺經》，訓勉他們「乖乖哋做好功課，否則，再輪迴，冤親債主便又再找上門。」「若你們誠心誠意，今生無事，今生是最後一生的話，冤親債主倒轉頭來，你便是他恩人。」
另外，法慧師叔引述，向 師父上報亞露有狀況當日，突然有一靈體「好大力拍張床」，隨後，便經常在公司見到「他」，「成個形態，好大隻，好似籃球手咁，喺牆行出嚟。」
註：事主的先舅母是事主的同鄉，非親舅母， 師父：「[舅母]話，唔關佢事，唔好入佢數。」
264 total views, 1 views today