《晴明錄》誦經迴向真係好重要

 

 

2023年4月29日  17:46

 

“他”的笑容很溫馨,風采依然。

 

「師父,係,係我。我係嗰個。

 

多謝 師父迴向俾我。我收到晒,多謝 師父!感恩 師父!

 

師父啊,多謝你,我開心咗好多!

 

師父啊!近日見到 師父你又忙又攰,(最初)唔知點解(你要咁辛苦)!後來,二哥同我講,你留心啲睇吓,唔係望吓就算,先(會)知道答案。

 

係嘅,以前只可以遠遠咁望 師父,想行近一步都唔得,都會俾護法(菩薩)趕(走)。 師父迴向俾我嘅功德,我收到晒,先可以近啲,近少少,睇吓 師父。

 

我以前係點?唔使啦,大家唔使知咁清楚。

 

師父呀!我有個fan,女人嚟嘅;哎,女子,女子嚟嘅。佢玩跳飛機,唔係,唔係飛機,係窗,散晒,好核突。

 

我見到佢,佢唔認得我,問我係邊個?因為我冇用真身俾佢睇(無謂喇), 我借咗第二個人嘅身(樣子),我鬧佢唔識得珍惜(生命)。佢鬧翻我轉頭,仲問我係乜水。

 

我見佢唔聽我講嘢,想點醒佢都唔得。後來,我現真身俾佢睇,即係大家都認得我嗰個樣呢!佢即刻呆咗,大聲叫我。我問佢點解搞成咁?佢話一言難盡。

 

最得意嘅係,佢都唔記得咗我係點樣走嘅。佢仲以為我係生勾勾(活生生,未死),係佢以前識嘅我。梗係啦因為佢先啱啱走(離世),新鮮熱辣,都唔知道自己已經走咗(無咗條命)。

 

仲有就係,師父啊,佢竟然記得遠嘅嘢(記得我,未死嘅我),唔記得近嘅嘢(自己已經輕生咗)。即係話,佢都唔記得咗自己為乜嘢要跳窗(輕生)。

 

師父啊!如果俾我重新嚟多一次,唔會用呢個方法(走完一生)。(當日啲人以為係)愚人愚己,(事實)一啲都唔好笑。仲要令到好愛錫我嘅人傷心難過。

 

師父啊,我見到N呀,佢叫我問候你,佢話多謝你,佢話三唔識七你都幫佢,佢好感恩!」

 

知 師父要外出:「對唔住,阻你!

 

師父啊!原來,失去(條命)就容易,得到就好難。我都係近日先開始識諗。以前,以為自己啱晒,其實原來好執着。

 

如果可以由頭揀多一次,我唔會入嗰個圈,我唔會咁放任自己,我會好好珍惜,真嘅!

 

師父,我仲有好多嘢想講, 師父趕住出門口,我覺得(再講咁多就)唔係幾好意思。但我又好怕,唔知幾時先有第二次機會同 師父傾偈。

 

師父啊,長話短說⋯⋯」

 

正在這時,法洪穿好衣服,準備與我們外出。見法玄仍身穿家居服,忙於做記錄,法洪順勢坐在法玄對面的椅子上,靜待。

 

見到法洪,”他”話題一轉:「 師父啊!我想話呢,我呢,我好想你個仔呢,誦經迴向俾我,好唔好呀?」

 

法玄轉述”他”的要求,法洪知道”他”是誰,點頭示意答應。

 

「一日一篇《心經》,我話(你應承咗就)喺囉喎,咁係囉喎,49日,得唔得?」

 

”他”好開心咁同法洪講:「你應承咗就要做到囉,每日最少一次、一篇,梗係越多越好啊!我見你靚仔咋,同我有番咁上下(先同你提出要求)。

 

點解?我唔(會隨便)開聲(要功德)㗎,唔係人人誦經迴向俾我都收嘅。一於咁話喇喎!

 

我跟(其他)人咁叫你大大師兄好呀,還是叫……?」

 

「無所謂。」

 

「哦好啊!」

 

同修法然師兄輕聲:「念佛都得嘅!」

 

「咩你咁㗎!哦,頭先(已經)應承咗。大佬呀!(你可以)咁嘅咩?

 

我呢,頭先就同 師父講,我仲在生,喺娛樂圈嗰陣(嘅事)⋯⋯

 

但係,我而家又諗,如果我收到你哋嘅誦經迴向,我就可以好快投胎啦(唔使再諗返轉頭)!

 

我而家又有啲心動,(如果可以投胎做人)我又想再入娛樂圈,但係唔使咁出名,開心就得㗎喇!

 

我知道 師父趕住出門口,我唔講咁多喇!但係,我好驚冇得再有機會(同 師父傾偈),所以仲想講多少少。頭先因為見到你個仔,我真係覺得佢好靚仔(好乖),好想佢誦經迴向俾我。因為佢以前(前世)好勁㗎喎!講過㗎啦,係(密宗)上師,(誦經功德迴向俾我)對我幫助好大嘅⋯⋯

 

知道 師父趕住出門口,唔講喇。」

 

滿心歡喜的”他”,向法玄家人說:「感恩你哋,多謝你哋!」

 

合十後退,離場。

 

 

18:18

 

早已應約與親友6:30到素菜館食晚飯,法玄匆匆更衣外出。

 

 

18:43

 

到了素菜館鄰街的停車場,法玄先行下車。(柏威停車場泊車)

 

「師父呀,真係好喇,又可以同師父傾多一陣。

 

師父呀,真係好多嘢想同 師父講、同 師父分享。」

 

時間太趕,法玄唯有一邊急步行,一邊做記錄。

 

遲了十多分鐘到素菜館,甫一見面,即時向親友道歉,然後坐下,繼續記錄接收到的訊息。

 

「師父啊,拍戲真係好好玩㗎!唔,我都幾enjoy㗎 !」

 

見 二哥到咗,”他”突然像個大孩子一樣,語調都轉埋,急忙同 二哥講:「喂,哎,呀⋯⋯想同 師父講多一陣都唔得!」

 

轉個頭來,很有禮貌的跟法玄說:「係呀, 二哥嚟咗喇,趕(我,話唔好阻 師父)喎!」

 

此時,開心的”他”笑着跟法玄道:「享受美味晚餐。」

 

隨即合十拜退,跟着二哥離開。

 

18:48 畢

 

 

 

 431 total views,  1 views today

 

Others Post...