2022年12月14日 18:43
一分鐘前，剛看到訊息，［陳X鴻］昨晚往生了！即時連了線，收到往生者有話要說，立刻放下手上工作，為往生者所說的話做記錄。
［陳X鴻］：「 法玄師父，多謝您！多謝我細佬！
我想（法玄） 師父同（我）細佬講聲，我而家好好，真嘅，多謝 師父，阻住 師父唔好意思！
（細佬，）我覺得好舒服，唔辛苦，一啲都唔辛苦。只係想同老媽講聲對唔住，早您一步走！但，老媽，咁唔係福報咩？另一角度睇，咁人齊送我，有老媽子同家人嘅愛，我覺得自己好幸福。我唔敢奢望染病時好番，因為係唔容易嘅事。就算好番，手尾都好長。先唔講我自己一定會辛苦，咁我嘅老伴呢？家人呢？佢哋一樣會好辛苦。何苦呢？
（法玄）師父講過，最重要喺去到淨土。咁，我都係好好彩，有一個，係有一位，叫 二哥嘅菩薩，同埋（已往生）阿德，喺我神識昏迷嘅時候嚟咗，企喺我床邊。我即時精神晒，坐起身，聽佢講，（應該係話）聽嗰位 二哥菩薩講嘢。佢話，你唔使驚，我係嚟接你；你唔識我，但我知道你細佬同媽子係邊個。你而家要放鬆心情，好似而家咁就啱喇，（要）精精神神。好，你咩都唔好諗，專注念 阿彌陀佛，心要想住：我要去 阿彌陀佛淨土。（至於）世間嘅人同事都要通通放下，明白？
我點下頭，好誠心咁點頭。然後，好得意，個人唔同晒，無病嘅感覺，無唔開心嘅感覺，好似真係唔記得咗有屋企人咁。但係，諗返轉頭，我未見到 二哥（仙師）時，病到懵吓懵吓嗰時，其實好掛住屋企人，都有啲掛住老媽子同啲細佬妹，少少喇，對唔住（只係掛少少），係因為病咗之後，人真係會懵懵哋咁！
我仲要想講，係有時溝通上有少少問題，曾經令到我嘅家人唔開心，我知嘅，但（當時）要面嘛，知（自己唔係啱晒）都唔會講對唔住嘅。但係，而家突然話走就走，咩都無講低，仲要大家喺全無諗過情況下接受呢個事實、為我難過，我真係好對唔住你哋！
如果有來生，可以再做一家人就好喇！ 二哥菩薩話我點解咁無大志。 二哥菩薩話，我真係愛家人，真係珍惜緣份，就應該一心求生淨土。 二哥菩薩仲教我，約埋家人，將來喺淨土再見。
二哥菩薩話，我要專心啲，一切都要放下，唔好諗有咩未做未交帶；（ 二哥菩薩又話）心亂就會失咗呢個求都求唔到嘅，好難得嘅機會。
我仲有好多嘢想講，但，講都講唔晒。
二哥叫我長話短說，唔好動情，要保持求生淨土嘅念頭。好，我知道喇（ 二哥仙師）！
咁我簡單講，我好多謝，好感恩，今生同你哋做一家人！我覺得自己好幸福，呢一生都好好彩，臨尾仲要中埋個頭獎（有機會往生淨土）！好慶幸成為香港人，喺幾十年嚟，自己見盡，亦都嘗過風風雨雨，最後，而家感覺到，做中國人，做念佛人，真係好幸福。唔講喇！
希望家人唔好太難過，（傷心嘅）日子總會過去，後會有期，只在淨土，期待同大家再見！
多謝 法玄師父！
感恩無量壽佛！
南無阿彌陀佛！
19:30
資料補充 (［陳X鴻］胞弟親述)
2020年5月大哥確診末期肺癌，肺癌細胞擴散至淋巴系統，醫生斷言不樂觀，即使接受化療，壽命亦只不過拖延半年時間左右，不過估不到經過半年化療至11月，大哥奇蹟地康復，同年12月回北京，繼續接受定期檢測及用藥，以作身體維穩。
2022年12月5日大哥有感不適，自行吃成藥，之後確診新冠，但沒有任何病徵。
12月9日，大哥呼吸困難，直接送入醫院，入院初期仍可進食，肺部接近70％有發炎情況，需用呼吸機維持血氧量。
12月11日左右開始發低溫燒，之後轉差，需入深切治療部。
12月12日晚上，醫生確定肺功能全失，只能夠以呼吸機維持肺部運作。延至12月13日晚上，大哥往生了。
備註 : ［大哥］生前沒有接種新冠疫苗。
494 total views, 4 views today