2022.5.25 （星期三）22:07
[李某霖]，33歲，生前吸毒並欠下很多債務。5月21日早上6時許被行山人士發現上吊，送院後不治，沒有留下遺書。
2022.5.25 21:32
感恩 祖師爺慈悲！
今晚，應死者媽媽請求，並得 祖師爺慈悲允許，與之通話。談了35分鐘，知道有料要接收，立刻終止談話。
2022.5.25 22:07
感恩 祖師爺慈悲！
[李某霖]有緣得以連線，跟法玄說：
「師父，多謝您！」
[李某霖]哭着，繼續說：
「師父，我好慚愧。之前老竇走咗（離世），我都有聽 師父話，誦經（迴向）俾老竇，希望佢可以重新（投胎）做人。可惜⋯⋯
師父，真係，（我覺得）自己好醜，好眉好貌，有手有腳，點解咁唔爭氣。 師父，好多謝 師父您為我哋仆心仆命。
師父，多謝您！我唔知要講啲咩說話嚟表達多謝 師父嘅心意。
（[李某霖]哭着）
師父，原來，真係在家千日好。可惜，真係要失去先知道自己原來身在福中不惜福。 師父，唔好難過，我哋呢班（死咗嘅）人真係唔抵爭，唔知衰，以為自己好叻，好聰明。頭先 師父同我老母講嘅說話，我（聽到）好慚愧，我何德何能， 師父咁幫我哋。
師父，知道您老人家好忙，但都抽寶貴時間幫我哋，我真係好好彩，好有福氣。
可惜，福氣嚟得太遲。如果，我早啲識 師父，可以有機會面對面聽 師父教導，可能，我未必會揀呢條（不歸）路。
師父，如果真有來生，我可唔可以做你徒弟？我如果真係可以有機會再投胎做人，又可以跟 師父學道，我會用盡一生，好好追隨 師父， 好好侍奉 師父，好好報答 師父救命之恩。
師父，多謝您鼓勵我老媽子：『要好好生活，要堅強，要好好保護自己，繼續樂觀面對（未來）生活。』多謝 師父教我老媽子（把握）49日食素、誦經、念佛迴向俾我！
我錯失好多！但係，死咗，先知道，真真正正知道，真係好多人錫自己、關心自己。
師父，學道，我未聽過。死之前，冇正式聽過；咩叫做學道，我唔識。但而家，死咗喇，咩（命）都冇咗。原來唔係冇債一身輕。（因為孽債未清還。）
我走嗰日，仲懵下懵下，唔知道自己已經搞掂咗，（自殺）死咗。懵到唔知自己喺邊，唔知道自己做緊乜嘢，淨係戇居居咁。
多謝 師父關心！我走咗之後，腦一片空白，直程係冇腦咁。冇晒意識，唔會有情感、感覺；冇晒家人、親人、朋友或痛苦嘅感覺，係零感覺。直到見到 師父，先慢慢有少少意識，知道自己OK（自殺死）咗。
同時，自己覺得自己好樣衰。死之前嘅樣，俾 師父睇到晒，真係覺得自己衰到無倫。
師父見到我死之前掙扎嘅樣，（死得）真係超樣衰。
師父，學道，原來真係要好有福氣嘅人先有嘅福氣。我死得咁樣衰，竟然有機會聽到 師父講學道嘅福報同好處，真係唔識形容，自己係有福定無福。 就好似 師父咁講，如果福氣好，就會入法門（成為弟子），好好學道。
師父，終於明喇，可惜太遲！多謝 師父冇鬧我（咁唔珍惜自己條命），仲教我老媽子俾心機食素、誦經念佛迴向俾我，等我可以收到功德，有機會快啲輪迴做人。師父教我老媽子（兩母子血脈相連，要幫個仔，就要樂觀同正面，加緊做好功課；又得 師父特准）用心靈同我講，鼓勵我放下，叫我俾心機念南無阿彌陀佛。我見到老媽子好用心聽，知道佢一定會幫我。多謝 師父！
師父，有好多說話想講，但唔知點講好。
師父，頭先您同我老媽子講，讚我好聰明，好識講嘢，但可惜將聰明用咗喺錯誤嘅地方，白白浪費寶貴嘅一生。
師父，我當時聽到師父講嘅時候，先真真正正明白，點解（在生時）有時會俾人鬧，鬧我『冇鬼用』，有時鬧我『冇X用』。係，真係，原來，學壞咗，真係冇得救。
師父，您好攰，仲要咁勞神，真係對唔住！ 師父，我唔想阻 師父咁多時間；可能，未必再有機會嚟面見 師父⋯⋯想同 師父講，真嘅，如果有來生，可以見到 師父，認識 師父⋯⋯ 師父，您（到時就）收我做徒弟啦，好嗎？我一定會聽話，一定會乖乖哋跟住 師父學道，一定唔會咁任性，唔會咁反叛㗎喇！
師父，請您幫我話俾屋企人聽，我好後悔冇聽佢哋勸，真係好後悔，可惜一切太遲！
我想同老媽子講：『要聽 師父話，好好愛錫自己，要堅強，要樂觀，要放下。多謝老媽子無條件嘅愛。但有時，愛我令我感到好辛苦，好大壓力。呢個（我自殺），唔關老媽子事，係我自己唔爭氣，諗埋一邊。
今日，已經咁樣，我再講都講唔番轉頭。命運冇得改變喇！』
（真係好）希望有多啲人睇到（呢篇），知道我（自殺）死咗之後好後悔，希望大家好似 師父講嘅：『珍惜生命，要好好感恩！』
師父，好夜， 師父好攰喇，多謝 師父唔怕辛苦，肯幫我哋呢班好無助嘅孤魂！師父，我哋會爭氣，會聽話，您老人家唔好擔心！感恩 師父！
感恩 祖師爺！
感恩 二哥（先師）！
係 二哥（先師）帶我哋來面見 師父，聽 師父開示。 師父，請保重，後會有期。感恩！
感恩 祖師爺！
感恩 伏英老師公！
感恩 諸佛菩薩！
感恩 二哥先師！
願[李某霖]受 祖師爺、伏英老師公及諸佛菩薩加持和點化，誠心懺悔、萬緣放下，得蒙接引往生極樂淨土，或早日投胎為人，有緣遇上正道正法， 潛心修學，當生成就不退菩提。
南無阿彌陀佛
先天知命六壬仙道壇
澳港傳教司林法玄
2022.5.25 23:18 畢
延伸閱讀
1,000 total views, 2 views today