2021年7月17日（星期六）
根據弟子法美當時說，她爸爸徐流弟，患上肺炎，進醫院完成肺炎的針對性
因為年紀大，身體各種問題，老人家感到呼吸困難，不想吃東西，很
2021年9月27日（星期一）[徐流弟]早上往生
2021年10月3日（星期日）中午12時43分
接收到[徐流弟]訊息如下：
[徐流弟]在哭：「多謝 師父！感恩 師父！請 師父幫我同家人講，我而家好好，唔使擔心我。」
「雖然無咗肉身，但唔知點解仲係有痛嘅感覺，覺得病未好。多謝，唔係，係感恩 祖師爺！多謝、感恩 二哥先師嚟睇我，時時嚟探我，教我點樣去適應。 二哥先師話『要有信心， 師父幫緊你，你屋企人又幫緊你（迴向），你自己都要好好哋，要努力，唔好辜負 祖師爺慈悲、伏英老師公慈悲、諸佛菩薩慈悲加持！』」
[徐流弟]哭：「 師父！真係好多謝您，您老人家好有心，教得我兩個女好好，佢哋好有福，跟到 師父！我好無用，後生到老，有好多機會可以做好啲，但係唔識得珍惜，而家死咗，諗返轉頭，先至後悔，太遲。
師父，我好相信命運，更加相信有六道輪迴，只係太遲知，太遲明，太遲信。 師父，多謝你教啲女陪我念佛，教我信佛，教我誠心求生淨土，係真係有淨土，只係我罪孽深重，信得太遲，死之前信念唔夠，仲係有懷疑，又有怨恨，所以死嘅時候唔能夠直接去淨土。但係，因為有 師父一直幫我，（玄淚）我好感恩，起碼喺死前已經有機會知道，只係信心唔夠，所以要等，希望， 師父所講，49日，家人親友嘅功德，加埋自己嘅誠心信受，成功歸淨土。
師父，真心萬二分多謝您，我唔係好識講嘢，但係，多謝 師父嘅說話，我講千百萬次都唔夠，因為有 師父，我唔係賣廣告，我千多萬謝，真㗎，係 師父救咗我，幫咗我， 師父唔需要謙虛。係 師父教我啲女，佢哋就好乖，真係好有心，一路陪住我，教我，提我，話 師父教嘅，要有信心，俾心機念佛，誠心求生淨土。 師父，真係好想好想親自面見 師父多謝 師父，可惜自己無咁好嘅福報。而家只能夠遠遠「見到」 師父，同 師父講多謝！
師父，如果我成功返到上去，去到淨土，或者可以跟住 二哥學嘢，我一定會好俾心機，唔會再錯失機會。多謝 師父掛住我哋，一直都想幫我哋成功到淨土，原來真係講就容易，到達係好難。但係好感恩，始終有 祖師爺嘅關係，有 伏英老師公嘅關係，我哋好有福報。
師父，唔講啦， 二哥要同我返去喇！多謝 師父，感恩 師父！
請 師父保重！請 師伯同大大師兄保重！請師兄師姐保重！多謝家人親友，大家保重！
我想講多兩句，希望有緣學道、學佛嘅朋友，唔好動搖，要有信心，自然有佛力道祖加持。
南無阿彌陀佛
感恩 師父 感恩 林法玄師父
感恩 祖師爺
感恩 伏英老師公
感恩 諸佛菩薩
感恩 二哥（先師）
感恩家人親友
南無阿彌陀佛
我哋喺淨土見
南無阿彌陀佛
13:15 畢
⋯⋯⋯⋯⋯⋯⋯⋯⋯⋯⋯⋯
8月14日，跟法美說：「鼓勵他（法美爸爸）加緊念佛啊！佛號機開着，你爸爸保持念佛，適當時候教爸爸求生淨土。」
8月28日，法玄知道法美爸爸有病，而且並不樂觀，留言簡單的與法美說：「鼓勵你爸爸誠心求生淨土，給他講解甚麼是淨土，生於淨土的好處，告訴他要誠心念佛，保持一心不亂，能生淨土全憑信念和真誠。」
在世誠心念佛，知道並相信有極樂世界阿彌陀佛淨土，以真、誠、信、念，念南無阿彌陀佛聖號，誠心求生淨土，真修真誠者，自得佛力加持和接引，可以帶業往生淨土。
南無阿彌陀佛
先天知命六壬仙道壇
澳港傳教司林法玄
2021年10月5日 00:55
693 total views, 2 views today