台灣行之高雄第一天 (4.9.2009)
師父今次同法今師姐,法湘師姐,法夢師姐一行四師徒中午到達台灣高雄,坐咗三十分鐘車到左酒店放低行李,就急住出去買一張當地電話卡同埋食lunch!!點知佢地喺烈日當空下足足行咗成個鐘有多都買唔到一張電話卡!!同時,大家都見到細細個"素"字,以為有得食下野,休息下,點知…….點知….行到埋去,冇開門,大概係佢地已經過左食晏時間,食堂都關門了!!唯有再行,再行,再行!!!!終於有地方落腳喇,係食d咩?
原來係素食既臭豆腐!!原來係素食既臭豆腐!
「 師父佢地喺3點半冇選擇下叫左3碟臭豆腐當中午!!!!」
行下行下搜集資料既過程,經過一間佛具店, 師父想入內請書!
因店內的書很殘舊, 師父問她(在店內的女士,相信是老闆)是否介意替她抹書,她說沒所謂,所以就略抹。 師父見到店內有尊30-40吋大黑色的像,很莊嚴,問是那位佛菩薩,( 師父用意是打開話題,既然供佛菩薩,又是佛具店,書是出售的,包括結緣書,不應咁污漕)
師父見像的座很多灰,問可否掃一下,她說可以,師父表明只會掃蓮花座的地方,但她見掃得乾淨,說像身部份也可以抹。
開始清潔像、爐、香筒等…用了太約3小時,手指甲都捆了黑邊。老闆娘很高興,拿了檀香油出來,說用來抹像, 師父再三推卻,但她很熱情的將油倒出來, 師父便開始抹油。
我們都有抹,即密宗所說的塗香(供養,莊嚴佛菩薩)。最後送了我們每人一小枝檀香油。差不多8點,我們離開去吃飯了。
亦請了經書!
接下來,去到一間上海素食食晚飯,外觀唔錯唷!!
飯菜都好精細!!
第一日行程大概就係咁,我都在等師父既最新消息!!下回再分享!!
編寫於2009.9.6
844 total views, 1 views today