2026.03.30 法玄師父攝
2026年4月1日 23:38
「唔好意思， 師父！
我係，我係⋯⋯
呀，我係邊個呢？突然唔記得自己個名㖭。
呀，點解想見 師父呢？
呀，可能，可能係，只係⋯⋯一啲都唔記得。
可能想搵人傾偈。 師父呀，不如我講最近嘅事俾 師父聽啦！
呀，記得啦，記得啦！
早兩日喺香港見到 師父。呢，黃昏散步嗰時，師父想跑冇跑。我（挨）嘣住個欄杆，望住個海，突然有菩薩（護法）拍我右邊膊頭，叫我行開啲，唔好阻住條路。話咁快， 師父就喺我背後經過，我想閃都閃唔切。
哇， 師父好似一陣風咁，雖然只係行，但係我就覺得好似一陣風，大風吹過咁。
師父，我喺嗰度好耐㗎啦，耐到唔記得幾耐。
我好似喺嗰度附近住，但係又唔記得喺邊度住。就係我成日都喺嗰段路行行企企。
師父經過之後，我都嚇咗一下，擰轉個頭，乜都睇唔到，又好似睇到，又似睇唔到。
之後突然聚集一班”人”，個個議論紛紛。有啲一路叫一路拍自己大髀：『哇，哎呀，錯過咗；哎呀，錯過咗！』
我唔明佢哋咩意思，其中一個阿伯就話你唔知咁多㗎啦，講你都唔明。佢意思係叫我唔好問。咁我係唔明，點解，條路本來無”人”，又點解突然咁多”人”。見亞叔唔想講（唔睬我），我都係唯有當無嘢發生過。
但行行吓又覺得真係好奇怪，咁我邊行邊諗，拗晒頭。突然出現咗一個”人”，拍下我（右邊）膊頭，同我講：『冇嘢嘅，冇嘢嘅，唔使驚，唔使諗咁多嘢。』講完，佢就走（大大步，行得好快），我追住佢，想捉住佢衫袖，奇怪，捉唔到。佢擰轉頭同我講，『唔好諗咁多。』我唔明，問佢：『我冇諗，只係唔明。』佢話，『唔明即係有諗啦！只係諗唔通咁解。』我話係。
佢就同我講，『有時，要知嘅嘢，始終會知，唔知、唔明嘅，唔需要刻意知道。』
我問佢點稱呼？佢話人人都叫佢 二哥。
我即刻問 二哥，頭先經過嗰個係咩人。二哥話：『係我 師父！』
我又唔明，問咗 二哥好多嘢， 二哥叫我乖乖哋守秩序。仲話時間自有安排。我又唔明，又問，問完（聽咗 二哥答覆）都係唔明。
終於 二哥同我講，話：『你唔好心急，你以前（生前）智商係差啲啲，記憶力都係唔係咁好。不過而家咁樣（忘記過去）都唔算係差。』 二哥教我要乖乖哋，唔好做壞事，唔好整蠱人。
我好似明，好似唔明，再問 二哥點解。 二哥話：『你唔好問咁多啦，而家咁樣咪幾好囉，越知多啲都未必係好事。』我見 二哥咁有耐性同我傾偈，我就捉住 二哥係咁問。當然，我喺捉唔到嘅。但 二哥知我意思，我又講嚟講去，問來問去。 二哥終於講俾我聽。多謝 二哥！
二哥話我前生係個惡霸，成日同人打交，應該話我成日打人，執起個鐵鎚扑人個頭，扑到人傻咗。打到人傻咗唔係一次兩次，試過好多次。所以我呢生（生前）係低智商。（善靈哭）。
師父，原來真係有因果報應㗎！（善靈又哭）聽完 二哥講，我突然聽得明，明白晒，而且有幾個畫面出現，都係我追住人打，用鐵鎚扑傷人嘅畫面。
（善靈在哭） 師父，我好後悔，我突然間記得返點解我成日唔記得嘢。我覺得自己好衰，真係好衰。難怪我今生好似傻吓傻吓咁。
唉！
師父，多謝您俾時間我，咁有耐性聽我講。 師父，請 師父大發慈悲幫吓我。我想搵返啲親人。 二哥（即時）話最重要嘅係幫到自己，返去報到，重新開始。叫我唔好淨係諗住搵親人， 二哥話斷六道輪迴最重要，但係要一步一步嚟，唔急得，叫我乖乖哋。『 祖師爺慈悲，一切自有安排。』
好多謝 二哥咁有心機教我同幫我。多謝 師父俾時間聽我囉嗦。多謝 師父，感恩 師父！
師父，我會聽二哥話，我會乖，多謝 師父！多謝師姐！好多謝 二哥同 師伯，同師兄，同菩薩！再一次多謝 二哥！好多謝 二哥！多謝 師父！多謝！多謝！
（二哥教，但善靈講不利索。）
感恩，多謝，好多好多菩薩！
感恩，感恩，多謝，好多好多人！
（二哥一句一句再教。）
感恩，多謝 祖師爺爺！
感恩 師公菩薩！
感恩，多謝，多謝，好多謝，好多好多 菩薩！
拜拜！
多謝！
拜拜！
再見 師父！多謝 師父！嘻嘻！」
00:30
9 total views, 1 views today