2026.03.28雲泉仙館
2026年3月26日 20:22
「師父，全靠我咋，唔係我認叻，我（當時）見到佢個頭（裏面）有粒野（血泡），嘩，乜咁大粒嘅！我拍下佢，佢就暈一暈。
（佢家人）唔使多謝我， 師父都係（唔使多謝我），真嘅，應該要做嘅。（善靈笑晒口咁）
師父，火車（車廂）裏面其實有好多好多（靈體）嗰啲嘢㗎！真係好多，有乖，有壞嗰啲，真㗎！
師父，我都好多謝你哋，多謝 師父俾機會我哋，俾功德我哋。
（合十誠敬向法玄恭請。）
師父，如果可以，我都好想跟住 師父學道，保護 師父（善靈笑了）。當然，只有 師父保護我哋就真，好多謝 師父，感恩 師父！
師父，我有個家姐，都係死咗㗎啦，佢叫徐玉珍，（同 師父善信）咁啱同名，佢而家四圍去，流離失所，好淒涼。請 師父您幫下佢，多謝 師父，感恩 師父！
唔好意思，阻 師父食飯！
師父，我而家走啦，跟 二哥返去。雖然出於好意，但郁手郁腳，都係唔啱，都要受罰。無事嘅，二哥講咗，有獎有罰，都係好事，幫咗人呀嘛。我接受，甘心接受，多謝 師父慈悲！感恩 師父！多謝 師父！
係，我唔識佢嘅，但係見到 師父大名，響佢個頭頂，放光，好光，但同時見到佢有啲嘢，所以我忍唔住，出咗手，對唔住 師父！感恩 師父！
師父，我叫亞浩，43歲走嘅，工業意外。（亞浩想哭）過咗去啦！唔諗啦！唔諗就無嘢！
我家有大有細，有老有嫩，請 祖師加持！請 師父加持！我真係要跟 二哥走啦，講到超晒時，對唔住，唔該 二哥師父！
南無阿彌陀佛
多謝 師父！感恩 師父！
感恩 祖師爺！ 師公！ 佛菩薩！
多謝、感恩 二哥先師同 德哥、 表哥！
多謝！多謝！
感恩 師伯同大家！
我真係要走啦！
後會有期
南無阿彌陀佛
合十拜退
20:40 畢
15 total views, 15 views today