2026.02.07 上水古洞 皪耆苑老人院
法玄師父：
「⋯⋯我哋嘅能力好有限，但係每一樣禮物或者抽獎獎品都係別具心思，希望大家都享用到，唔好介意佢吔唔係貴嘅嘢⋯⋯呢條毛巾（結緣品）好『軟熟』，好有用⋯⋯係喇，佢可以愛嚟洗面、抹手、抹汗，咁除咗清潔仲有咩用呢？
跟住嘅分享係大家都會得益嘅，大家跟住一齊做好唔好呀？在座有毛巾嘅，將毛巾摺起佢⋯⋯我吔將毛巾摺到細嘅正方形，係喇，用我哋嘅右手揸實佢，一分鐘⋯⋯或者你可以數50下，心裏面默默數：1至50，或者你鍾意準確啲，數60，係喇，用力揸住佢一分鐘，然後鬆開手放開佢，又一分鐘，跟住再做多一次，又係一分鐘，如是者，一分鐘又一分鐘，跟住到我哋嘅左手，每次兩隻手輪住做。
話俾大聽，原來做人都一樣㗎，太過執著啊，辛唔辛苦呀？我依家請你飲茶，遞杯茶俾你，你接唔接到？接唔到啊，因為我執著。但如果我放開呢，我請你飲茶，你可以接，係咪呀？
但呢個未係重點，重點就係，唔好睇呢個動作咁簡單，佢係可以減壓，仲有最重要嘅就係，佢可以降血壓！頭先有跟住做嘅各位，相信你哋都已經記得個程序，因為你哋有聽指示做，而家企喺台前同大家分享呢一個資料嘅，就係 先天知命六壬仙道壇嘅 傳教師傅林法玄。
原來當你好鍾意用呢條毛巾嘅時候，你會發覺，佢會有損耗。其實人生都一樣，當我哋享受嘅同時，佢會有消耗。但係呢個係一個過程嚟㗎嘛，所以我哋要享受每一分每一秒。唔好介意當我得到佢嘅時候佢係新嘅，到今日佢霉霉舊舊。因為喺個過程裏面，佢服務咗你，帶俾你快樂，抹面啦，抹手啦，又放鬆啦，唔好執著啦，同埋又可以減壓啦，降血壓啦，係咪好大嘅幫助呀？
所以，凡事要：感恩。感恩大家！
18 total views, 9 views today