2025年9月16日 02:23
剛剛入睡，「他」有話要說，立刻起來做記錄。
「多謝 師父！感恩 師父！
係，又係我。
知道好多人好關心我，支持我，愛護、守護我，我好感恩，很高興。原來，失去之後才知道珍貴，可惜太遲。你哋港府話『早知今日，何必當初。』原來係咁有意思。
知道得太遲，無可挽救。我真係唔抵可憐，自己開始嘅時候唔貪心，踏實啲，就唔會攪到自己走頭無路。點解嘅？點解我唔早啲聽人勸。洗濕個頭，唔容易攪返掂，係自己無知做成嘅。唔可以完全怪晒人。
當然，出事嘅時候，我好嬲，我痛苦，好怨恨佢哋。但過咗幾日，諗返轉頭，我自己都有責任，唔抵幫。多謝師父咁夜都聽我講嘢，多謝 師父！感恩 師父！
二哥菩薩好照顧我，叫我唔使驚，唔好諗咁多，俾心機念佛，仲教我仙法。係呀，二哥菩薩話真係有仙法，唔係特效，係真珠（都）無咁真。二哥菩薩仲話，想要成仙、真神一啲都唔易，但係又『話都冇咁易』，主要係修，認認真真咁修。
二哥菩薩仲話，第一步就係要放低晒所有人間嘅仇怨，唔好諗返轉頭。話要一心一意咁念佛，（無肉身修道）雖然好難，但而家有特赦，等於有機會，問題係我有冇認真對待。
師父，我有聽話，你唔好擔心，多謝 師父！真心向 師父講多謝，一千一萬句都唔多，只係可惜，喺咁嘅條件下認識 師父、見到 師父。套用網上常見詞：『呀⋯⋯太難啦！』
師父，見到您，我知道自己有機會，有得救。但 二哥菩薩叫我唔好咁老定，要認真對待，要有真功夫，真功課，真功德先有少少可能成功，但又叫我唔好放棄，要爭取時間，把握住呢個咁難得嘅機會。
師父呀，有時，我又會諗，點解會咁嘅？我點解會咁嘅？佢哋點解會咁嘅？我一諗，個頭就會好痛，好痛好痛，好似要四分五裂咁。
阻 師父休息，唔好意思，對唔住 師父！
師父，好夜啦，好好休息，對唔住，師父！我係好多嘢想同 師父講，知道能見師父，機會好難得，又唔可以暢所欲言講好耐，所以我今次重點係真心真意，好誠懇咁同 師父講多謝您！好多謝您！
唔可以再講咁耐。多謝 師父！祝 師父健康長壽、心想事成！師父，我會再申請嚟見 師父，向 師父請安，向 師父請教。
多謝 師父！再見 師父！
感恩 祖師爺、佛菩薩、二哥菩薩！
晚安，師父！」
二哥先師催促善靈離去
03:01
200 total views, 1 views today