2025年7月11日 11:59
先K媽一貫的微笑臉容，很開心的樣子：「師父，多謝您啊！好多謝 師父您啊！多謝⋯⋯係（二哥教）好感恩祖師爺同（伏英老師公）師公！多謝 二哥！
（先K媽笑到鬆肩掩嘴）
師父，其實我都無咩特別嘢想講啦！已經執到，真係執到，我真係偷笑咗，真㗎！好多謝 祖師爺俾機會我！好多謝 二哥嚟睇我，教我念佛，教我懺悔，教我放低一切，唔好諗番轉頭。
多謝 師父！多謝 師父慈悲！我哋真係無福，（我）在生時，唔識得親近 師父！唔識得同 師父打交道⋯⋯唔係，我唔應該咁講，我唔識講，我應該講唔識大體，唔識放下，唔識爭取機會見 師父、聽 師父講道理，好後悔啊！
但後悔又有咩用？一個人執着起上嚟，係因為一個人嘅事，嬲咗成村人，嬲埋隔籬村。死咗啦，先知道自己好無知，好白痴，好戇居。對唔住，師父！師父咁忙（賀誕事），都肯抽時間嚟聽我呢個閒人，死咗都唔甘心嘅死人頭講嘢，真係好難得，好多謝！好多謝！多謝多謝 師父！
師父⋯⋯係，二哥，我要長話短說！知道，知道，二哥！
師父，係咁嘅，首先我要多謝 二哥，（二哥教我）唔係，首先，我要鄭重多謝⋯⋯感恩 祖師爺！感恩 師⋯⋯感恩 師公同菩薩！感恩 師父同二哥，仲有，然哥師伯！師父，我都要多謝（想講多謝個妹，轉口說）亞叻！多謝個（自己親）妹！多謝佢哋，我先可以識得 師父，識得念經念佛，應該係，念佛。師父，唔可以阻 師父咁多時間，要 師父虛耗咁多精神，對唔住！
（12:24 見到法玄先母，先許鳳雲法秀來接先K媽。）
希望，將來有機會，可以再嚟見 師父，可以聽 師父講道理，可以見多幾次面。師父，我走啦！我跟法秀仙姑返上去。唔係（直接）去淨土。係上去另一個地方，仙姑話要去上課，要考試，又要家人儲夠功德，我先可以再轉去好地方。多謝 師父關心！感恩 師父！」
先K媽合十拜謝
12:30
開始時見到先K媽靚靚後生20年的樣子，要離開館時，先K媽一轉身，頭髮有點凌亂，又長又厚，微蓋住兩邊臉頰，沒有一開始見到的笑容。
先K媽雙腳有粗鎖鏈，很長很粗的鎖鏈鎖着。重重的拖着腳鐐，一步一步，慢慢跟着 仙姑和幾位護法侍者從館大門離開。
南無阿彌陀佛
12:35
380 total views, 2 views today