2026.10.10貴陽陽明洞
2026年10月20日 00:33
「辛苦晒 師父！咁夜仲要幫我做嘢，好多謝 師父啊！我新抱真係好有福氣，跟咗個咁好、咁有責任心嘅 師父。
師父，點解您咁瘦嘅？點解咁夜都唔休息呢？咁樣對身體唔好，我哋過意唔去㗎，師父！
係，師父，我仲有少少嘢想講。係嘅，係咁嘅：我覺得呢，人死如燈滅，唔使搞咁多嘢㗎啦。我好有信心可以去到 師父成日講嗰個好嘅地方—— 係，就係嗰度—— 西方極樂淨土。我好肯定，好有信心。多謝 師父慈悲拉咗我一吓！多謝 二哥嚟帶我路！多謝、感恩 祖師爺大發慈悲！我竟然遲來先上岸。好多入咗院等死嘅院友（病人），死唔斷氣，慘過油刑*。
師父，真係唔好咁夜都唔休息，工作永遠都做唔晒㗎。唔好做壞個身體，冇人會可憐您㗎，唔好怪我多事呀，師父。仲有好多說話想同 師父講，特別係我昏迷之後發生咗嘅事。二哥話：『 師父咩都知，而且 師父好攰啦，唔好阻 師父休息。』我明嘅，我都係咁諗，諗住有機會再同 師父講、向 師父報告。
師父，好好休息，下次再同 師父傾偈。
南無阿彌陀佛」
先甄伯伯合十後退，二哥和護法使者陪着離開。
00:50
*「慘過油刑」是廣東話中的一句俗語，意思是「比下油鍋的刑罰還要痛苦、還要慘」。
70 total views, 51 views today