2026.08.19高雄鳳山天公廟
2026年8月18日 14:57
師父，我係佢（前生）個女。佢好得人驚，又係咁，衰人一個。
我好細個，3歲就俾人（佢）賣咗我去青樓。得嗰3歲，行路都未穩。
死爛賭鬼，又爛飲。不知所謂。
我入咗青樓，跟咗一個”亞媽”肥婆。嗰死肥婆嗰晚*都喺度。我唔講佢係邊個喇， 師父知就得喇。
嗰個死肥婆”亞媽”，有一粒大粒癦，核突到死。
師父⋯⋯我好早就想放手（唔再跟住生我嗰個亞媽等報仇）⋯⋯
佢跟住 師父咁耐，唔聽得多都聽少。但佢無變囉，得把口。
（玄：佢做得好好㗎啦！） 師父您真係好好，大慈大悲，幫佢講好話。但佢有冇真心學先？淨係得把聲⋯⋯是是非非⋯⋯哼！
師父，唔好意思阻 師父食嘢！出門都要做咁多嘢。當晚* 師父見到我，其實我驚到要死（多謝 師父冇打散我）。唔係，死咗嘅我無得再死，係，係人先至有生同死，係嘅，係嘅，多謝 師父，感恩 師父！
師父，唔好咁辛苦，唔使咁辛苦㗎！一人做事一人當，佢哋自己做得出，自己孭返先啱，係咪呀， 師父？我知， 師父梗係話唔應該咁諗，唔應該咁講。係嘅，聽咗 師父講咁多道理，我都真係學咗好多嘢。我曾經諗過要撻死佢。當然，我做唔出，幾衰都係生我出嚟，我都多謝佢⋯⋯多得佢⋯⋯唔少，真嘅，唉！
師父，不如您食嘢先啦！我都未講到入肉，有排講⋯⋯
師父，您睇吓，佢哋真係一啲禮貌都冇，（玄：係 師父講唔使等）。 師父講啫，食得落咩？真係食得落咩？ 師父做緊嘢噃！豈有此理。唔係人。（玄：唔好咁講， 師父講咁樣，佢哋聽咗照做啫！）
（善靈情緒突然低落）唉！唔想講啦！本來有好多嘢想同 師父講，而家唔想講啦！（ 師父不斷記錄，”她”見到大家開心食嘢場景，強烈對比，”她”突然大哭起來。）
師父！我如果有佢哋咁好彩（做徒弟）就好喇！唉（善靈嘆氣，佢哋知道 師父收料，沒等 師父一齊食）！
（點稱呼妳呢？）我係亞珍。多謝 師父，感恩 師父！（善靈又再哭起來）祝師父身體健康、開開心心、唔好理咁多嘢。
南無阿彌陀佛
南無阿彌陀佛
南無阿彌陀佛
如果可以，我想念萬聲（南無阿彌陀佛六字洪名，來多謝師父。）
南無阿彌陀佛
［亞珍］哭着跟 二哥離開
15:20
註釋
*朝聖之旅，行程第六天，成都。
師父寄語：
《堅守正念才是正道》
能夠成為法門弟子，本質都不差，如果沒有緣分，也不可能成為法玄弟子，這份師徒緣，很難三言兩語說清楚。善靈看到弟子不善或無禮之處，代法玄感到不值，多多少少是羨慕弟子可以與師父同桌吃飯，自己卻只有在旁觀看，而且保持着一段距離。
因果關係，做成人與人之間的聚散離合。單單只是表面上看到的情景，不足以判斷一個人的好壞，更難了解當事人前生的所作所為。
六道輪迴，生而為人，有緣學道，有緣學修心向善，是很有福氣的事。沒有機會學道，沒有真誠修行，智慧未開，很容易犯錯。就是有機會學道修行卻未圓滿，沒有智慧，在障礙現前的時候，也難免再種惡因。
是人也好，是靈體也好，有知或無知做錯事，反省自己，知錯能改，是千金難買真覺悟，難得！
善靈亞珍心地善良，只是前生的她因果關係而有不好的際遇，一生所過的並非普通人生活的平凡日子。想必是經歷了很多不如意事，她才會深深記恨，很想報仇。
一切恩、愛、情、仇，都會令人迷失方向，令人越來越自私，甚至明知故犯、一錯再錯。大部分人都想擁有幸福的日子，正因如此，自己更加要向善學習，行善積福，才可以避禍、增福。
禍福相依，凡事不能單看表面。任何事情發生都必有利弊，過程當中都是可以讓我們學習，從而強化自己身心靈的重要元素。
福慧雙修不難，一切由心念而起，堅持做好自己本分，一步一步踏實前行，堅守正念才是正道。
8 total views, 4 views today