2025.12檳城
2026年7月30日 03:32
瀟灑的”他”：「哈哈哈哈！傳說中嘅 好人師父，真係唔瞓覺都得（收料）。佩服佩服！
法玄師父，您好，我係老四， 師父您知道我，識得我⋯⋯係老鼠，哈哈哈！
係啊，其實我都冇咩想講，只係想同 師父您打聲招呼。菲姐叫我問候您，佢話佢已經得咗， 師父唔使再做迴向俾佢。係喇，就係 師父所知咁喇，我KO咗，唔入流，不過我都好安慰（大家好有心），預咗㗎啦！
師父，我真係路過，同 師父打聲招呼啫，冇咩特別嘢。（慣常的笑容）二哥話叫我講真話⋯⋯哈哈哈哈！
係啊，我唔係路過，係特意嚟搵 師父，多謝 師父俾我嘅功德，多謝 師父記掛我，想幫我，願意幫我。原來 師父幾十？三十年？前見過我個仔，仲同佢講『想改變命運，要保持微笑。』個衰仔真係有聽，聽咗，記住，仲真係上晒心，（從此）成日微微嘴笑。
好彩佢有聽 師父話；當然，個衰仔自己都好爭氣，好努力，同埋肯改吓自己啲臭脾氣，成個運程扭轉晒。多謝師父！
唔阻 師父休息啦！第日有機會再嚟搵 師父傾偈好嗎？多謝 師父！感恩 師父！亞區叫我同 師父打聲招呼，話多謝 師父，同埋話『 師父唔好淨係掛住做嘢，咁夜都唔瞓，對身體唔好。』
師父，我走喇，同啲Friend打番三兩圈（麻雀）先，我差唔多投胎啦，去印尼，做個有錢仔，長大之後會去香港玩，可能有機會（銅鑼灣）見到您個仔，不過係離遠，距離三、四個人嘅身位嗰種。
唔講啦，二哥叫我快啲走， 師父要瞓覺啦！係嘅，二哥，多謝晒，唔該晒！
呀，仲有，我個Friend都排緊隊，差唔多時間啦，多謝 師父！
感恩你哋 祖師、師公同菩薩、同佛！
多謝 二哥同 德哥！
多謝 師父！感恩！」
英俊瀟灑的他鬆鬆肩膀，轉個身，跟 二哥及侍者離去。
03:59
45 total views, 34 views today