時間：2026年6月8日 19:03
地點：大圍某茶餐廳
先梁伯合十跪在地上，流淚：「多謝 師父！感恩 師父！
師父，好多謝您！辛苦晒， 師父！我好安慰，個女好乖，女婿都係無得頂，我真係好有福氣！（再）今生識得師父， 師父幫咗我哋咁多，都唔知點報答 師父！師父，多謝您！
我好慚愧，自己做得唔好，（後生）斤斤計較，一肚氣，頂唔順，唔理個衰婆⋯⋯哎，算啦！人都死咗，一切都過去，好與唔好都唔想再講。
師父，多謝您幫我睇住個女，佢好乖，但係有時都係愚孝。我知，我明，兩個女都好錫我，只係方法唔同，緣份唔同。我認，我認。
師父，唔想阻您咁耐⋯⋯ 師父，辛苦晒！唔該晒！多謝晒！
（先梁伯流淚）
師父，多啲出嚟呢度啦！好多「人」想見 師父，想求 師父大發慈悲幫佢哋，但佢哋唔敢行近 師父，連 師伯，佢哋都唔敢行近，氣場太強勁啦！
師父，唔好意思⋯⋯ 師父，我仲好多嘢想同 師父講，但知道 師父覺阻人唔好意思。 師父，如果可以，真係想跟 師父返館。但 二哥話唔得， 師父要休息，太累。
師父，我再簡單講，首先，真係要好多謝，好多謝 師父！好多謝 師伯！好多謝大家！我賺晒啦！賺咗好多好多，真㗎，唔應該有任何埋怨。唔應該帶住怨氣走，二哥教我嘅。
好多謝 二哥嚟睇我（有病住醫院時），因為 師父送俾我嘅法水，法氣直沖上天，（二哥見到，即刻落嚟睇咩事。）二哥嚟睇我，教我放下，唔好嘥 師父心血。我知，我明，我會努力做到，應承咗 二哥！多謝 二哥教我好多嘢，多謝晒！
師父，我走啦！而家跟 二哥返去先。晏啲喺館見。 祖師爺、二哥俾我暫時留喺館。
多謝 二哥同 師父！
（二哥教講）
感恩 祖師爺！
感恩 伏英老師公！
感恩 諸佛菩薩！
南無阿彌陀佛
南無阿彌陀佛
南無阿彌陀佛
多謝 師父！感恩 師父！」
先梁伯說罷，放開了，輕鬆笑晒。
19:20 畢
⋯⋯⋯⋯
師父寄語
古人遠去 塵歸淨土
[梁X煥] ，先梁伯積閏享壽八十有五歲。祈願先梁伯得佛接引，情歸淨土，永不輪轉。
世人難有完美一生，經歷過了，能放下心結，活得輕鬆自在，是真幸福。
身在紅塵，閉門，各有各的家事，難過之處不易向人啟齒，也不便與別人分享。「清官難審家庭事」，再簡單的家庭，也有些複雜事情或人情要面對。不分年齡或背景，能在有生之年遇上正道正法，有如漂流大海的孤舟，得受牽引，在世時乘風破浪，人生圓滿之時，萬緣放下，安全抵達彼岸，是真解脫，是真幸福人。
依循正法修學，享受清淨，比世間的名聞利養來得逍遙自在。
機會難逢，回頭是岸。
61 total views, 48 views today