今天工作較忙，很累，外出跑一圈。
不急不緩跑，途經商業中心區公園，微黃色街燈照着步行路，大樹旁的石長凳，陰陰沉沉，一個五十來歲，身型瘦瘦的男靈體坐着。
2026年3月25日 23:08
「師父，可唔可以坐低傾一陣偈呀？
見 師父經過好多次都唔敢叫聲 師父，怕打擾 師父。終於忍唔住（叫了 師父，同 師父打個招呼），覺得自己真係好叻仔，好勇敢。係咪呀， 師父！
師父呀！點解您可以咁輕鬆咁自由嘅？我都想。但係原來無咗肉身，以為好自由，唔係㗎，唔係咁㗎。
師父，其實，原來您都好忙，但每次見到 師父，不論日夜，覺得 師父好輕鬆，事實係咪咁呢？
師父呀，我喺呢度好耐㗎啦，幾耐？唔記得。幾年？十幾年？真係唔記得。
淨係知道自己日曬雨淋冇掟匿，好辛苦，都係自己攞嚟嘅。
瓜咗之後，見到屋企人扮傷心難過，其實笑晒，因為唔使服侍我。
23:15 （黑猫出現）
師父，佢哋，我嗰啲所謂家人，一塌糊塗，貪得無厭，見錢開眼。
23:17 （黑猫在不遠處來來回回踱步，然後向法玄所坐長石凳方向慢慢行過來。黑猫走近石凳，在凳腳邊旁站了一會，躲躲閃閃，左望望，右望望，在石凳後面沿着慢行，行到石凳另一邊，在大樹下，自個兒抓呀抓，玩了一會，向路邊草叢快步行過去。）
師父啊，呢隻黑貓好乖㗎，嚟咗幾年㗎啦，日頭佢唔敢出嚟，驚啲人會傷害佢，夜晚都係有時匿埋，睇清楚先敢行一陣，想搵嘢食呀嘛。其實人同動物一樣，無家可歸，（善靈開始哭）冇嘢好（可以）食，係好慘㗎。（善靈流淚繼續講話） 師父，多謝您肯坐落嚟聽我講嘢，我感覺好幸福，好感恩，多謝 師父！
師父，點解你今晚咁夜出嚟嘅 師父？你唔使答我㗎，我淨係想問，但係唔一定要知道答案。因為 師父答我，就等於所有人都知道。
師父，好得意呀，冇人見到我，又聽唔到我講嘢，但 師父就係咁慈悲，見我坐喺度望住 師父經過（打聲招呼）， 師父都忍唔住，退一步落嚟，俾時間我，聽我講。多謝 師父，對唔住呀 師父！哎呀 阿德同 二哥嚟咗啦，叫我唔好咁多嘢講，阻住 師父， 師父唔得閒。多謝 二哥，多謝 德哥，感恩 祖師爺！感恩 師公！感恩 菩薩！
師父，得閒就出嚟行吓，見到都可以唔使理我㗎，因為我唔敢阻 師父，唔敢阻 師父寶貴嘅輕鬆時間。
多謝 師父！感恩 師父！
（二哥教講）
感恩 祖師爺！
感恩 伏英老師公！
感恩 諸佛菩薩！」
善靈合十後退，跟二哥離去。
（善靈再次）
「感恩 師父！多謝 師父！」
23:22 畢
善靈年約五十多歲，在世時身患慢性病，長期需要家人照顧。
55 total views, 3 views today