2026.02.07 探訪皪耆苑
今天工作比較忙，很累，正準備休息，剛閉上眼睛，”見到有個男的”站在左邊不遠處；法玄太累，即將入睡，沒有理會。
好奇的”他”見法玄沒反應，由期待變得目無表情。瞬間移動，”他”站得很近，似是要細仔看清楚甚麼。見法玄仍一動不動，希望落空，”他”站的很近，板着臉，繼續定眼望着法玄。
不忍，立即起來收資料。就在此時清楚見到這是黃XX（化名亞成），上網查證，是，已離世。
本來沒有表情的”他”見法玄突然坐起身，拿起電腦，”他”立即笑晒，笑到牙都睇得好清楚。
非親非故，突然到訪，想必是有話要說，不吐不快。好，既然上面慈悲放行，讓之連線，法玄就該盡責做好法門工作，清清楚楚的把每隻字記錄下來。
⋯⋯⋯⋯⋯⋯⋯⋯⋯⋯⋯⋯⋯⋯
2026年3月19日 01:28
先亞成（化名）很開心的笑：「師父，係我。唔好意思，打擾 師父無得休息。
我等咗好耐，知道 師父成日都係好忙，真係唔敢騷擾 師父。但係我又驚『蘇州過後冇艇搭』，所以硬着頭皮。
多謝 師父冇嫌好麻煩，多謝 師父！感恩 師父！
師父您尋晚跑水塘，唔係，係湖（邊）嗰時，我都係陪住 師父跑，跟喺 師父後面，好有型。（先亞成笑到見牙）
師父呀，係咁嘅，我走咗都幾年啦！3、4年⋯⋯呀，師父真係勁，係差唔多5年（先亞成好開心，又再笑到見晒牙）。 師父，我呢（死後），覺得好無聊，行行企企，日日夜夜，時間好似好多，又好似日日都係咁過，悶到抽筋。
有日，我見到一個神人（法玄即時見到所指的是 二哥先師），佢好特別，話佢係人咩？又唔似係人，好似個 菩薩咁。你話佢係 菩薩咩？又唔似 菩薩，好似係一個人咁（好接近地氣）；塊面紅卜卜，好似壽星公咁，但又唔係壽星公。係喇，師父知我講邊個喇（是 二哥先師）！
係，（ 二哥先師）佢見我戇居居咁，就走埋嚟同我傾偈，問我喺度做咩？我話我喺度Hea。佢問我點解咁無聊？點解唔返屋企？我話無位（無供奉祖先位）。
二哥（先師）好好，同我傾過幾次偈，就教我念佛。但教極都唔識。
係呀 師父，原來人死咗之後好無記性，好難學嘢，唔知點解。
師父，好多謝 二哥（先師）咁有耐性教我誦經念佛，雖然我學極都唔識，但我有聽 二哥（先師）講過啲好處，我知道，我想辦法記住。雖然都係成日唔記得，但我知道 二哥（先師）都係想我哋好，所以我好努力試，努力想做到，想做好。原來死咗之後想學佛，學道，係咁難嘅。
早知今日，何必當初。如果我早啲，喺未死之前學就好啦！ 二哥話有早知無乞兒。又係嘅。
師父，我想同 師父講，我學咗⋯⋯學咗⋯⋯幾個月⋯⋯咁上下，而家開始好啲，無咁戇居。而且，有另一個”人”（先亞德）話我知『俾心機啦，老友！』佢仲同我講咗一啲關於 師父嘅事蹟，好得意，好有趣，好有意思。
雖然我同（先亞德）佢三唔識七，但佢好有誠意，講嘢又風趣，我好鍾意聽，聽吓聽吓入晒心。所以我同佢講我都想見 師父。佢話幫唔到我，叫我自己同 二哥（先師）講，話 二哥（先師）會幫我。所以我就求 二哥（先師）帶我見 師父。 二哥（先師）同我講要等， 師父好忙，又提（醒）我要有耐性，要有禮貌。
多謝 師父肯見我，俾機會我講嘢。多謝 師父！感恩 師父！
知道 師父好忙， 師父好攰，早啲休息，多謝 師父！如果我真係可以好快輪迴，真係要千多萬謝 師父！ 二哥教我要感恩 祖師爺、 師公同 師父。
（此時法玄已累得朦晒眼半開半合。）
師父，同 師父傾完偈，我開心返晒啦！ 師父頭先您開始見到我嘅時候，我平時就係咁樣，板起塊面，毫無表情。
多謝 師父，再見 師父，好好休息！
感恩您哋 祖師爺同 師公！
多謝⋯⋯感恩 佛菩薩！
南無阿彌陀佛」
02:20
39 total views, 24 views today