2026.02.16玄真閣
法將師叔女兒秀言今年18歲，她自7歲起開始鈔經。鈔經是源於學業壓力，當時就讀香港傳統名校的她，經常害怕「升唔到班*」， 師父知悉後，遂將修行感受，結集儒釋道三教經文節錄，撰成45組適合小朋友鈔寫的精句，作為《給小孩的日常鈔經功課》。
功課設定為：每天鈔一組精句，連續鈔7天，第8天至第14天鈔另一組，如此類推。當完成全部45組後，再由第一組開始，週而復始，循環不間斷。
為免給小孩帶來額外壓力， 師父會因應秀言測驗、考試而設定當週比較簡單的精句，例如：「一心不二」。
師父親選《給小孩的日常鈔經功課》，儒釋道經文節錄涵蓋：《孝經》、《弟子規》、《三字經》、《論語》、《道德經》、《佛遺教經》、《文殊菩薩般若經》、《金剛經》、《觀世音菩薩普門品》、《大佛頂首楞嚴經》等。
詳見以下連結：
《法玄師父撰定：給小孩的日常鈔經功課》十/十
秀言憶述*，當剛開始鈔經時，「都唔覺得有啲咩效果，鈔吓鈔吓，都ok喎，都升到班喎」，就覺得「都幾勁喎⋯⋯ 祖師爺⋯⋯」
秀言現時留學英國，鈔經功課仍然維持。尤其每當感到不開心，想念家人的時候，都會鈔經，她說：「（開始鈔經時，）唔會突然之間『噗』一聲咁即刻好番晒，但係鈔吓鈔吓，就感覺到好多正能量好似會圍住我咁樣，等我平靜啲*，唔會成日都好嬲⋯⋯啲負面嘅情緒好似流走咗咁⋯⋯我覺得我感覺到 祖師爺係喺度陪住我。」
秀言續分享：「而家有時我遇到大壓力，會容易失眠，我發現咗最好嘅安眠藥反而係『南無阿彌陀佛』，念『南無阿彌陀佛』就即刻瞓到⋯⋯我覺得念『南無阿彌陀佛』係好重複好重複咁樣⋯⋯念吓念吓呢，就會瞓着，我都覺得（念『南無阿彌陀佛』）係超級好用，冇一次試過『念佛號』係瞓唔着，好勁呀！」（秀言開心地笑。）
秀言補充：「（念「南無阿彌陀佛」能量之應用）係非常之新，係去到英國先發現。」
秀言就她失眠情況再補充：「尤其夜晚讀書讀到好夜⋯⋯瞓覺之前又會諗好多嘢，『一個小嘅波波』諗吓諗吓變好多嘢，跟住之後就收唔番，有時真係會2、3個鐘先瞓到，記得媽咪之前講過話念『南無阿彌陀佛』，咁樣我念吓念吓念吓就瞓着⋯⋯」
鈔經、念佛，持之以恆，功德不可思議。
* 326A0186.MP4 / 326A0187.MP4 ＠丙午年祈福請神前
升唔到班：不能升班；升班是指學生學業成績合格，由原來的年級升至高一級的班級。
等我平靜啲：讓我平靜點。
71 total views, 56 views today