2026年2月14日 19:59
「師父，我唔想㗎！對唔住！我一知道佢係 師父徒弟嘅仔，我已經即刻收手，但係，已經太遲，有啲遲，對唔住！
師父，我住喺嗰度好耐。好耐好耐，耐到唔記得。
對唔住，阻 師父同徒弟食飯，唔好意思！
師父，我點樣走（死），唔記得，淨係知道自己成日都係喺嗰度，邊度都唔去得。
講返嗰日，我見到個𡃁仔咁百厭，好似好得意咁，我咪同佢玩下囉，係，就係頭先 師父見到（當日情況）咁，我伸隻腳出嚟，諗住同佢玩下之嘛，見佢跳來跳去，身手咁敏捷，伸隻腳，睇吓佢識唔識跳過去。（ 師父皺眉一笑）係囉，忘記咗佢係睇唔到我嘛。唔好意思，對唔住！
另外嗰個婆娘（親戚女弟子）佢多多事實，我一時忍唔住，講咗句「八婆，關你咩事呀！」係我唔好，習慣難改，沖口而出。對唔住， 師父！對唔住婆娘，唔係，係妹仔（妹妹仔）！
師父，您食嘢先啦！因為好玩、多事，犯錯，竟然錯有錯着，可以見 師父，好多謝 師父！感恩 師父！
簡單講， 師父，而家 二哥嚟帶我走，我可以離開個鬼地方，可以重見天日，我好開心，好多謝 師父！多謝 二哥！唔好意思小朋友，對唔住，請原諒我！
師父，我走啦！ 師父請保重，新年快樂、身體健康、財源廣進！ 二哥話『祝師父就唔係用財源廣進， 師父係修行人。』唔好意思，我哋以前都係順口咁樣祝人新年嘅！
唔阻 師父啦！ 師父您老人家保重，第日有機會嘅話，真係可以有機會嘅話，我想跟 師父學道，學修行。
南無阿彌陀佛
感恩 祖師爺！
感恩 師公同菩薩！
感恩師伯同大家！
南無阿彌陀佛
南無阿彌陀佛
南無阿彌陀佛」
善靈亞張合十拜退，跟 二哥和 表哥離去。
20:19
事緣
2026年2月11日星期三
這一天丈夫（法則）放假，幫忙接送兩個兒子上學。大兒子祈罡（9歲）大約8時左右便回到學校，較平日提早了，眼看距離上課時間仍有20分鐘，於是他放下書包，拿了一本書，行出*班房外坐低*閱讀，其間陸續回校的同學也紛紛參與。
冇幾耐*，一班同學仔*開始玩起來，在走廊追逐奔跑，就在走廊某個位置，大約就是放雨傘的水桶旁，祈罡突然無端失去重心跌倒，頭撞向雨傘桶，眼角爆裂流血，校工見狀立即扶起祈罡，送他去醫療室給校醫進行簡單的包紮，之後便call白車*送祈罡到山頂醫院。
校醫打電話給我，說祈罡受傷⋯⋯要縫針⋯⋯傷口深⋯⋯現正被送往山頂醫院⋯⋯並叮囑我帶齊證件以及學生證前往醫院。
我隨即聯絡法則，著他立即前往醫院，我緊隨其後⋯⋯
接着我亦將此事微信了表妹也是同門師兄弟的法務，請她幫手與老師溝通。
弟子法其述
行出：步行出去。
坐低：坐下。
冇幾耐：不久之後。
同學仔：小同學們。
call白車：撥打緊急救助熱線（999、110或112）召喚救護車。
75 total views, 67 views today