2025.11 清遠鎮安古寺
2025年12月28日 21:22
「師父您洗碗速度真係真係驚人。
唔係笑 師父，係多謝 師父知道我有話要說，立刻急急忙忙完成洗碗工作。
係，師父，剛才 師父忙緊嘅時候，我都急不及待咁同 師父講，我（前生）係一個獵人，宋朝人士。每次上山打獵，都一定有收穫，大收穫。
（當生）我好自豪，例不虛發。但原來，凡事都有因果，唔係唔報，只係時辰未到。終於，而家要報喇，仲要連本帶利，報應不停。
師父，點解我哋唔可以早啲知道因果嘅？雖然（做獵人嗰生）我哋唔係讀好多書，但打獵，唔係淨係我哋條村做，以前，搵唔到食，或者搵朝唔得晚嘅村民，大多都會上山打獵，或者去打魚，都係平常事。
原來，真係遲唔報，早唔報，集齊人數先至報。
首先，我好嚴肅同認真咁同 師父講聲對唔住！尋晚，好多次想同 師父傾偈，雖然唔成功。但都影響咗 師父，攪到 師父成晚瞓唔到，對唔住， 師父！
係，尋晚，應該話係凌晨 師父見到嗰個係我，係我當時出事時嘅情形。真係好肉酸呀， 師父，知道 師父（慈悲）唔想再睇，但我好心急想 師父知道我哋走嘅時候，係經歷幾咁慘痛嘅時刻。
多謝 師父迴向俾我哋，我哋全部收到晒，多謝 師父！多謝 師父叫徒弟都一齊做功德迴向俾我哋，多謝 師父，多謝 師父嘅徒弟同所有有心人。
明白嘅，師父，明嘅人就明，知嘅人都知， 師父唔要做嘩眾取寵嘅事！
我哋而家嚟，係想多謝 師父，知道 師父好忙，但都講咗話會嚟探我哋。唔係，應該係話 師父同徒弟講咗話遲啲會嚟睇我哋。唔係，係 師父無咁忙，忙完重要事，會到一到我哋出事嘅地點。多謝 師父，感恩 師父！忙都要食飯，要休息好先得，師父成日都係咁樣同人講嘅，咁 師父您自己都要照顧好自己，唔好淨係掛住人哋。多謝 師父！感恩 師父！
多謝！感恩 師父嘅 祖師爺俾我一張臉皮，唔使咁肉酸，嚇親 師父。知道 師父唔會驚，係天不怕地不怕嗰種，但嗰樣溶晒真係好肉酸，太難睇。用嗰個樣嚟見 師父，簡直係太無禮（唔可以係咁）。
真係好感恩 祖師爺大慈大悲，俾我哋有頭有臉，唔使咁肉酸，嚇親人。
多謝 師父！感恩 師父，我哋會靜靜咁等 師父嚟望吓我哋，多謝 師父！*但 師父啊，如果太忙或者太攰，就唔好過嚟喇，我哋心領受咗喇，多謝 師父！我哋要返去喇，要守住個大本營，唔可以俾啲『無謂人』（滋事靈體）乘機入嚟搞事。呢，嗰啲人非人呢⋯⋯唔講喇，唔可以講咁多，多謝 師父，後會有期！
南無阿彌陀佛
感恩 祖師爺同 佛菩薩！
我而家跟 二哥（先）師父返去先，我哋有好嚴格規矩要守㗎，多謝 師父！多謝所有送花同迴向功德俾我哋嘅所有人。深心感謝！感謝！再感謝！」
22:02
師父寄語
火焰出紅蓮
有些人把因果當作迷信事。其實信，有迷，有悟；信或不信，是緣分，也是福報的顯現。
這份《晴明錄》的主角，離世不久的有緣善靈，身雖死，但死後靈性得到啟發，明白「凡事都有因果，唔係唔報，只係時辰未到。」雖然已失人身，在一個嚴重的事件失去寶貴生命，火焰出紅蓮，靈性覺醒，極之珍貴。
這個很寶貴的啟悟，必定能為這位覺悟的靈性帶來特別的契機。任何眾生，無論經歷多嚴峻的苦難，甚至在毫無抵抗力的情況下遇難，因為覺悟和懺悔，與及善人的功德迴向，得受諸佛加持，有機會換來美好的轉化機會，確是很值得善靈期待，就讓我們凝聚善緣，祝福所有善靈早生淨土。
我們仍活在世間的人，要從世界、國家、社會，大自然，或是自身，或是他人發生的事情，參透共業難轉，下定決心要行善修福。能與善人共處、共參、共學，是很大福報的事，自己要好好用功，珍惜光陰，珍惜正緣和福報，莫被自己的無知或習性帶偏。
願世上沒有戰爭，沒有刀、兵、水、火劫，沒有冤冤相報，沒有妻離子散，沒有求生不得求死不能！願眾生得聞正法，與天地同壽，不生不滅，智慧如海。
95 total views, 1 views today