2025.10珠海
做完早課，法玄在整理《晴明錄》檔案，補充資料「資深X員」⋯⋯就在這時，先許生即時出現。
2025年11月9日 08:27
先許生笑笑口：「資咩深吖，搵兩餐啫。師父得唔得閒呀，傾兩句呢！
師父，呢幾日見您咁忙，都唔好意思打攪您，見您今日咁早起身，又做完功課，雖然都係即刻忙住做檔案記錄，諗吓諗吓，都係唔係喇，快啲攝位同 師父傾偈先。
呢幾日近距離跟住 師父，原來 師父真係好忙，我真係唔好意思啦！因為好想同 師父傾吓偈，唔理三七二十一，搶先同 師父講幾句先。
師父，我真係諗唔明，點解人真係咁化學，話行就行，話走就走，無得留低。不過，講返轉頭，我都賺咗㗎啦。幾十年前，我試過一次，有意外。呢件事冇咩人知嘅，真係橫禍飛來（不知從那裏高空飛來硬物），扑穿咗個頭，流血不止。嗰啲蚊飯（血）真係好恐怖。嗰時我仲好後生廿零三十歲。又唔知點解『Ba Ba』聲流血*，突然間止血，我就同自己講，死過翻生啦，死過翻生啦！
師父，唔使有壓力噃！（笑笑）我意思係，知道 師父今日好忙好忙，真係唔得閒睬我，我意思係，師父慈悲，咁忙都俾少少時間我，同我傾偈，我覺得自己真係好有福氣，多謝 師父，感恩 師父！（先許生意思是隨時可以終止談話）
師父呀，我覺得好得意，原來人就咁走咗之後，真係無後顧之憂，一身鬆晒，好鬼棧。
仲有呀，嗰啲人，呢，話好friend嗰啲，九唔搭八嗰啲，真係噏得出就噏，當秘笈。但係又一個唔覺意，俾我呢個冇肉身束縛嘅人聽到晒，真係冇癮。我意思係，原來好多人唔知道，天外有天，人外有鬼又有人。
師父，我ok咗啦！多謝 師父關心！多謝愛錫我嘅所有人關心，我ok咗啦！我仲見到亞菲姐同紅姐，佢哋都叫我問候 師父（即時見到紅姐慈祥的微笑示意），（先許生開心笑着）佢地話第日都會跟 祖師爺嚟接 師父。師父，唔好咁辛苦啦！有咩嘢做，俾啲細嘅做啦，等佢哋學下嘢，（笑笑）二哥話嘅。嘻嘻！
師父，立咗冬啦，天氣慢慢轉涼，唔好冷親，要食熱飯（學 師父講）！師父，保重身體！我哋第日喺上面見！
多謝 師父！感恩 師父！
瀟灑的他揚長而去。
08:49
『Ba Ba』聲流血：香港口語，形容流血不止。
235 total views, 2 views today