2025年3月9日 19:59
「多謝 師父！感恩 師父！
我係亞忠，我以前做三行，人人話我咁靚仔，點解要做三行？之後，我識咗個有錢婆，佢肥肥矮矮，仲有啲哨牙。
我哋喺餐廳見面，佢望住我，笑口淫淫。我無睇到佢，係死後先見到（佢第一次見到我嘅情形）。
再見佢嘅時候，係地盤門口，佢同埋個男人，唔知係咪佢老公。佢見到我，笑晒咁⋯⋯
隔咗兩個幾月，佢又嚟地盤。嗰次，我知佢係嚟搵我。我眼尾見到，即刻閃喺工友身邊，以為佢睇我唔到。
佢叫住我。點解佢知我個名？唔知。
佢叫住我，叫我幫手攞嘢。車尾（箱），好多嘢，佢叫我小心啲， 搦入去（地盤）寫字樓。
對唔住，阻師父食飯！
我再簡單啲講。佢，個死肥婆，睇中我，要包我；我又衰，見錢開眼。最後，（包養我）玩咗幾個月，3個月？4個月？半年「倒」？唔記得。
佢老公知道咗，搵班人打我。我唔服輸，還手，隨手執起地下支鐵筆⋯⋯點知俾佢哋其中一個搶咗，一嘢扑落我個頭度（流好多血），死咗。
（善靈哭）師父，我唔甘心，我無做錯，係肥婆逼我。
我死咗之後，因為唔甘心，留低喺地盤。得閒就四圍行行企企⋯⋯
（對唔住，阻 師父食飯！）
有人教我搵 師父⋯⋯
多謝師兄、師姐帶我嚟見 師父！多謝 師父不殺之恩！
多謝你哋 祖師爺同師公！多謝 二哥先師！
我而家跟 二哥先師走喇！
（跪地上）多謝 師父、師伯、師兄師姐！」
二哥帶善靈離去！
感恩 祖師爺！
感恩 伏英老師公！
感恩 諸佛菩薩！
感恩 二哥先師！
20:18畢
事緣
弟子報告：
2025年3月9日
中午，正替丈夫亦是同修師兄整理前天穿著過的長褸外套，赫然從口袋裏掏出一個用過的口罩，嚇了一嚇，於是又氣又驚的棄掉，當下即感到有點暈，以為是被嚇到，沒有理會繼續家務，怎料情況越來越嚴重，伴隨頭暈的是想嘔，很辛苦，又冷，筆墨根本無法形容，沒法子吃午餐，只能躺床上。
如是折騰一段時間，同修師兄建議塗 祖師爺油，塗 祖師爺油後立即舒緩頭暈情況，迷迷糊糊睡了一會，期間斷斷續續的睡了又醒，醒了又睡，塗了三次 祖師爺油，有排便，情況轉好但仍間斷地不舒服，告訴師兄「口罩有嘢」，大概是用過的口罩，穢，易被靈體依附，而直接接觸被「污染」的物品，是令我極度不適的原因。當時見到一男靈體，身形「大嚿」，心知靈體都只是想找 師父，我跟師兄說「佢哋都好慘嘅」，男靈體立即對我說「不好意思」，好像還有合十。
如是者，已經傍晚了。跟師兄商量，還是挻着硬撐，依原定計劃返館。當時情況時好時差，知道是「他」一時又想到館見 師父，一時又害怕到館，當他害怕時我就不舒服。我知道返到館自己便會「好番」，於是抖擻意志回館。
到館，感恩 師父！如實將靈體事情報告 師父， 師父慈悲！收錄「他」入晴明錄，代表「他」有機會出離。
坐在壇前， 祖師爺「法」不斷加持，感到很熱，果然，不到一分鐘，不舒感全退。
吃飯前， 師父敦促弟子上香。
感恩 祖師爺！感恩 伏英老師公！感恩 二哥先師！感恩 恩師！
Ps 小插曲：原定計劃回館，駕車回館時還會順道買些外賣的，我在車內等了很久，師兄氣急敗壞的上車，兩手空空，告訴我發生奇事，素食店店員將那袋預備好的外賣遞給他時，竟全袋跌在地上，就像給人「用力掃落地」一樣，食店需重新烹煮。
師父的話：
體諒別人 心地不懷
善靈看上去約四十歲，身材高大魁梧，儀態俊美，完全看不出是個三行工人。知道師父正準備吃晚飯，善靈一肚子要說的話，急急忙忙濃縮的說出來，生怕打擾師父和大家，證明善靈懂得體諒別人，心地不懷。
當 二哥先師到館要領走善靈時，善靈亞忠立刻自覺上前，隨即被上手銬腳鐐，彎下腰，低着頭，自知帶罪之身，緊緊跟隨 二哥先師離去。善靈身後還有兩名護法守住，從館正門離開。
話說，晚飯前，先上香。弟子回館，坐下之後，向同修師兄說：「你看，我們返到館前， 師父上的是長壽香；你說，是否很神奇。」是的，平常上的都是幼香。
450 total views, 1 views today