2024年1月19日 10:46
冤靈三元：「好多謝您咁多日嚟辛勞頻撲！（玄淚）
師父，您嘅眼淚好晶凝通透！ 師父唔好喊，我好好，我好受感動！ 師父啊⋯⋯請您救埋我啦！我好想返去，但返唔到去，就算係去地獄我都想，但原來唔係咁易㗎！
師父，請您老人家保重！唔好為我哋咁唔爭氣嘅人難過，唔值得！
師父，講返嗰生⋯⋯
有一日，唔知係咩陰差陽錯，我攪錯咗啲嘢！係咩，詳細嘅我唔記得，好似係有啲好重要，係佢認為好重要嘅嘢，我唔記得放咗喺邊。佢突然要攞，問起我，我當時諗唔到，好驚，窒咗一窒。佢愕咗然，一向清清楚楚嘅我，問咩知咩，問咩答咩⋯⋯嗰日，我竟然俾佢錯愕嘅感覺。一向喜怒無常嘅山寨亞頭，佢唔知點解，問都唔再問，怒火中燒，一腳踢落張枱度，然後兜腳踢落我度。我心口好痛，成個人都好痛，攣弓蝦米，喺個地下郁來郁去，講唔到嘢。佢好嬲，猛問我⋯⋯ 『我問緊你呀，你喺度詐死啊⋯⋯死就死遠啲，死都俾返啲嘢我先好死。咪以為我唔知，你詐傻扮懵，吼住我個位好耐㗎啦！』
我淨係掛住痛，真係好痛，只係死唔去啫！佢就話：『擔屎唔偷食？講啊？！』
師父，對唔住，我唔想攪佢㗎！跟咗佢好耐，冇得埋身。等到佢病啦，都唔係時時好近整到佢，等到佢埋怨啦，好唔開心問點解嘅時候，我先可以整吓佢，踢吓佢。
（怨靈哭） 師父啊⋯⋯點解咁唔公平㗎！我冇做過衰嘢，有都係啲衰人教壞我，要我做，唔係天生做衰人嘅！但點解，衰到咁嘅人，可以跟到個咁好嘅 師父嘅？公平咩？合理咩？
師父，真係唔使為我哋呢班不知所謂嘅人難過。我只係唔甘心，點解我為佢出生入死，為佢賣命，佢都唔知足，一唔合心意，拳打腳踢。講真，佢對我都算係咁㗎啦！可能我做嘢啱佢心水，佢好少打我。有時仲同我傾心事，飲醉嗰時。
師父，話佢好衰咩？佢係，衰到冇人有。但講真嗰句，佢有時衰唔晒，好起上嚟，稱兄道弟。不過，真係唔知佢幾時真，幾時假。
直到佢俾我嗰隻無影腳，直情要攞我命嗰時，我先睇清楚佢嘅真面目。
明白！ 師父叫我（哋）放過佢，等於放過自己。多謝 師父！感恩 師父！領教了！ 師父都知道，而家，唔係我（哋）唔放過佢。佢都死緊頭囉，醫返嘥藥費，都唔使我哋（冤靈）出手。
只係，我哋想同 師父申冤，講吓佢啲衰嘢。（玄：放過法力，唔好再講法力啦！）
師父，我哋係想同 師父申冤，想 師父幫吓我哋，我哋都想走喇！去地獄受刑都好。我哋流離浪盪，無主孤魂，好天晒落雨淋；見人人出雙入對，自己就孤魂飄零，好可憐！不見天日，不見盡頭！
師父，請您老人家大發慈悲，俾機會我哋跟 二哥走，跟 護法走！感恩 師父，多謝 師父慈悲！
感恩你哋 祖師爺！
感恩你哋 師公同護法！
感恩 菩薩！
感恩 師父！
（合十躬身）拜謝 師父！
南無阿彌陀佛
我哋明白 師父意思，大家都要好好修行，我哋會乖，我哋都祝呢個人，係， 師父嘅愛徒法力，我哋祝佢，祝法力生淨土，再嚟度我哋。 師父，我哋聽您老人家話，放過佢，原諒佢，祝福佢！
感恩 師父！（合十）我哋而家跟 二哥同 菩薩返去啦！」
孤魂三元與眾靈向法玄禮謝之後，到法力病房門口一禮拜，隨即跟二哥先師和護法先師離去。
11:42
328 total views, 1 views today