2023年12月31日 01:31
［姨丈］：「 師父，係我，姨丈，我想你同亞姨，同鴻仔講聲，我而家好好，好幸福。
多謝老二（法尊先師）嚟搵我，教我誦經念佛。我都做咗（功課）一段日子，而家覺得個人開心咗、舒服咗、（病）好返晒。多謝你哋 祖師爺俾老二嚟搵我！我好開心，覺得自己好幸福，好好彩，好過中頭獎！
師父，本來我想你幫我話俾亞姨知，我等佢，我會去接埋佢。但老二話 師父點敢咁樣同亞姨講，無事都嚇餐死，唔使死都變做死快啲。話我咁樣唔係好心，係自私，自我表現自己，咁做唔啱。諗吓，咁又係嘅，要接，到時咪去接囉，預先講定佢知，咪即係話佢知佢就（嚟）死，咒佢死？係嘅，唔應該咁嘅！
係，知你還完神好攰，多啲休息。多謝你，唔該你，唔該晒 師父，再見！
南無阿彌陀佛
多謝 祖師爺！
多謝 師公！
多謝 師父！
多謝 老二！
南無阿彌陀佛」
01:45
186 total views, 1 views today