是日，星期六，陰天。
郵政局下午一點關門，剛好趕得及在關門前把信件寄出。準備離開郵局，還有幾步就到大門口，突然間覺得空氣中像是堆積很多塵土，少有的，連續打了兩個噴嚏（乞嗤）。
頓時，見到郵政局門口大石壆處，坐着一個60來歲，約1米67高，身形瘦瘦，穿着深灰色衣服的男靈體。
2023年10月28日 12:59
「師父，係我。
一坐就三十幾年。
師父，原來一切都唔容易，係自己太過執着⋯⋯
係呀，師父，我以前行街，都鍾意望吓啲檔口仔（生果檔，睇吓有冇嘢買）。
以前（在生時）都認為做人好辛苦。原來，死咗之後（做鬼）仲更加唔容易。
師父，原來生活（係易定難，就係）再難，都係睇自己點睇啫。
以前做嘢辛苦，所以出糧嘅時候，我都鍾意（和同事）四圍去玩。直至成家立室之後，以為有家庭溫暖，就係一件好幸福嘅事。
阻 師父喇！
師父，係呀，原來人死咗，好多嘢睇清楚，先知道以前以為好難嘅事，其實（相）對於生死嚟講，一啲都唔難。
或者呢啲就係叫做『後知後覺』。前人講嘅嘢，一啲都冇錯。
師父，小心慢慢行！
師父，（我終於明白）『早知今日何必當初』。但咁又點呀？死咗囉，仲因為以為自己好叻，可以避開天眼*。原來係唔得嘅。就算走甩咗，都係天網恢恢，再走甩，只係自討苦吃。
師父，小心過馬路啊！
『魂飛魄散』。我當日就係（過馬路時）掛住諗嘢，一路行，唔記得咗馬路如虎口。（被一部送貨嘅車撞到，沒命。）
師父，如果真係可以重頭嚟過，我唔會再怨天怨地，唔會亂發脾氣。以前或者心情唔好（我就）吵天吵地、炒蝦炒蟹、掟嘢、 掃枱（上物件）。
（上緊樓梯，差不多到家門口。）
師父，二哥話：『有咩就快啲講重點。』 師父，好感恩。得見一面，三生有幸，感恩 二哥嚟接我！
13:18 家
師父，我想話，希望（離世後四處遊蕩嘅靈魂）『人人』都好似我咁好彩，見到 師父，有 二哥嚟接我，有 祖師爺通行，有機會排隊輪迴！
又，有機會輪迴做人，我哋都要乖乖哋，唔好咁任性。
師父，如果有緣，來生再見！就（算）係坐巴士，坐喺（ 師父）隔離，我都希望有呢一個機會。
感恩 祖師爺！
師父保重！要早啲休息，好好保重！」
善靈［亞猶］誠敬合十拜退
13:22
*天眼：菩薩和天兵天將的法眼。
279 total views, 2 views today