2023年1月29日 20:55
與澳門弟子新春吃飯，法x說有些事情，想跟師父說，忍了個多月，不知能否跟師父講。
弟子們都知道，師父閉關，加上新春不接個案的。
見到法x神情很緊張，告訴她，妳說妳的，問了，師父答否是師父的事。
法x說了兩句，身為師父的法玄，即時見到一位善靈，身材並不高大，瘦瘦的。
善靈［梁某根］出現的時候，樣子很愁，充滿怨氣，很不開心。
但很快，［梁某根］：「見到 師父，即時放鬆咗。」是的，見到［梁某根］神情瞬間的改變，是完全放下，開心了！
［梁某根］：「多謝 師父！感恩 師父！我想借 師父金口同家人講聲，我無事喇！而家好好，會跟 二哥返總壇叩頭，然後去報到。會去一個好啲嘅地方，學嘢。
師父，如果可以早啲識您，跟到 師父學嘢就好喇！
師父，門口嗰兩個係我啲friend，佢哋好好，好照顧我，我剛走（離世）嘅時候，喺（大廈）門口見到佢哋。我好唔開心。佢哋叫我睇開啲，唔係咁（死）就咁（死）㗎喇！要睇開啲先至得，如果唔係就越嚟越慘。
過咗幾日，幾多日唔知，佢哋（大廈門口認識嗰兩個善靈）帶咗我去見 土地公。 土地公真係好好，教我做人，教我『人既然死咗，都要接受現實，要叻仔啲，要放下，如果唔係，就會越嚟越慘。』
最奇怪係，我（死咗之後）唔記得咗啲屋企人，淨係知道自己好慘，死唔眼閉（唔甘心）。
師父，對唔住，阻 師父食飯，對唔住！ 師父，如果可以，我想跟住 師父學嘢，然後幫人，幫好多好多人，好似 師父咁。
師父，而家（素餐館）門口有好多嗰啲（死咗嘅），都想 師父俾個機會佢哋，佢哋話想投胎，唔想再喺條街度走來走去，做無主孤魂。
師父，對唔住，仲有啲嘢想講，多謝亞儀，多謝亞儀個老公，多謝亞儀家人。
感恩 師父同 師伯！感恩 師父家人同徒弟仔！
感恩 師父！
感恩 二哥菩薩！
感恩 祖師爺！
感恩 佛菩薩！
南無阿彌陀佛」
21:10 畢
補充資料：
往生者：［梁某根］，1946年出生，年輕時偷渡到香港，曾經做大佬（黑社會份子的頭目），生前很重(視)朋友。唯隨年紀漸長，記性變得不太好。
往生時間：2023年1月1日，晚上約10時左右。
大廈看更(保安)發現涉事單位有水漏出屋外，引致門外走廊水浸，拍門無人回應，遂即報警，消防員到場破門入屋，發現地上鋪了一塊蓆，放了個枕頭，而往生者便是睡在蓆上，電話則放在床上；同時，廚房水喉開着，水不斷的流動，流出屋外。
［梁某根］這番操作，是知道自己時限已到，不想打擾兒女，又怕離世日久未被發現而發出惡臭影響鄰居。
根據澳門司警調查，由於死者有少許屍班，估計應該已離世數天。［梁某根］女兒Manie查看往生者電話記錄，最後通話是12月27日。
Manie：「阿爸長期食煙，胃間中唔舒服。同仔女近兩、三年關係變差，成日問仔女攞錢同班朋友去（大陸）玩……之後仲受人疏擺，出律師信告個仔（Manie弟弟），話要攞番層樓。2021年5月，阿爸搬咗出去住，2022年9月，再搬到出事單位。2022年10月左右，我番去睇阿爸，發現佢講說話時好似有啲嘢(東西)撻住喉嚨……後來覺得唔對路，就同弟婦再去睇吓佢(阿爸)，竟發現佢飲緊生水，腳又好似有啲黑；之後再有一次，阿爸喺電話度講左句：『個心唔跳啦』，當晚我即刻去睇佢，見佢又冇異樣。2022年12月23日，係我最後一次見阿爸，當時中咗(自己確診)新冠，所以買咗飯同放低錢俾佢之後，就好快離開，唔知點解，當時已經感覺，同阿爸可能係見一次少一次。」
Manie是法x相識20年的好朋友，讀書時期不時會去對方家中玩樂，閒聊相聚，所以雙方父母都認識她們，而且很親近。Manie媽媽7年前往生， 師父慈悲，與法x及法x家人同往其殯禮，感恩 師父！
師父曾告知，法x和 Manie前生是「好好好」朋友，所以今生緣分都好深。
473 total views, 1 views today