2022年12月26日 12:00
「大妹， 師父，早晨！
多謝 師父！
係啊，老二（ 林法尊先師）嚟咗接我。不過，佢（ 林法尊先師）話我未夠分（功德），無得去淨土，叫我俾心機等吓先。
佢（林法尊先師）話我（生前）唔夠定力，話我對淨土唔夠信念⋯⋯但係佢（林法尊先師）話，唔怕，呢段時間爭取最後機會，只要好誠心，好期待，好懇切想要（求生）淨土，加埋屋企人誠心做功德，一樣得。
大妹， 師父，求人不如求自己。可惜自己都信唔過，講咩呀！
出嚟行咩都唔驚，連死都唔驚，幾勁啊！（自信爆棚開心笑）哈哈！
好多謝你！教我念佛，叫我要有信心，要堅持，多謝你！真係好多謝！
但係，原來唔係咁易㗎⋯⋯
係，（ 林法尊先師叫我）講重點，我而家好好，喺看守所，無死去地獄。係你哋祖師爺俾機會我，話呢個機會係特別恩准，如果錯失機會，就唔好怪因果無情。
祖師話，我雖然係義氣仔女，但義氣用錯地方就係兒戲。
祖師話，人有人信，你有你信，信咩，自己揀，因果自己負責。
以上， 祖師講嘅話，係老二（ 法尊先師轉述）話我知嘅。
係，話如果我家人同親朋好友，最少49人，為我食齋念佛（念經）49日，而我自己又真心，一心一意要去淨土，有好大機會得嘅。
好多謝 師父（知道我有病之後）一路以來功德迴向俾我！好多謝老二、老三！好兄弟，有今生無來世。我好希望跟到老二去天堂（淨土），希望真係可以拜見你哋 祖師，多謝佢！（ 林法尊先師教我講）係，係親自感恩 祖師爺！
唔講啦，都無咩事想講喇！我好開心，起碼都仲有機會真係脫離苦海，多謝晒！
呀，仲有，多謝然哥，多謝（ 師父幾個）兄妹，特別係（多謝）好鍾意唱歌嗰個，死喇，死咗無咗記性𠻹！叫咩名呢？死喇（尷尬的，手抓住個頭，笑了又笑）！係，好靚女嗰個，阿容，Ivy，多謝佢同個細妹(Ling)陪我傾偈，陪我唱歌嘅歲月。可惜歲月無情，時間短暫。但都係想同靚妹講句，真心講句多謝！開心啲，繼續唱多啲好歌俾老人家聽（我知，佢成日表演俾老人家睇），我哋第日喺淨土見！
再見，我嘅家人，過往嘅一切，唔怪我（做得唔好），人都死咗，算啦！
再見，我江湖上所有好友！
再見，我所有有交集過嘅情人、友人！
再見喇，香港！
多謝 師父！多謝老二、老三！
多謝容、Ling！
感恩 祖師爺！
感恩 阿彌陀佛同所有 （佛）菩薩！
我好有信心，大家淨土再見！
南無阿彌陀佛」
13:05
—————————–
好心有好報
先黃X光，為人很有義氣。不論男女，有事，找他幫忙，特別是借錢，他會不由分說，借得就借。當然，有些女士，總會用了這點，得到先黃X光的幫忙。還錢嘛，唉！
好心有好報，雖然先黃X光太遲認真聽因果及念佛號的方法，信念未夠強。但離世後的49天，確是可以扭轉命運的。誰都可以！
重點是往生者堅定信心，一心不亂，誠心求生淨土。再加上家人與親友的功德、助緣，機會仍是存在的。
佛力加持，功德不可思議。信、願、誠是很重要的！往生者六道的轉化，能往生淨土，不是沒可能。
南無阿彌陀佛
318 total views, 1 views today