2022年8月31日 下午5時49分
有緣善靈[嘉慧]：「多謝 師父！感恩 師父！ 師父好叻、好慈悲，多謝 師父！多謝Auntie（往生者好友曼華的媽媽，法門弟子法醒）！多謝幾位師姐，多謝！
師父，我好感恩，好滿足，覺得好幸福。真嘅，好多嘢真係估都估唔到，原來話都無咁易，講下講下，咁就死咗！但我無後悔，無埋怨，反正做人，唔係你想點就點，唔係努力就有回報。
師父，原來人死咗之後，唔同晒，好多嘢都唔同晒，天唔再係藍色，地唔再係好好行（個人飄下飄下）。唔知點解！
師父，其實，我真係好滿足，有呢個機會，有呢個渠道，好似搭通天地線咁。
師父，你都睇到，係，我個身仲係成身濕晒，有啲人會形容我哋披頭散髮。因為有機會嚟見 師父，唔可以咁失禮，所以，二哥（法尊先師）叫我梳番好啲頭髮。（先會俾） 師父見到我頭髮好順，貼住個頭，好靚咁。
多謝 師父讚我靚女，只不過係順眼啫。 師父，（我）喺水底沉咗一陣，幾耐唔記得，因為無咗時間觀念。淨係覺得好驚，一路喺度等人救自己，都唔知道自己咁快已經走咗，無咗（死咗）。
睇番轉頭，我呢一生無白過，識咗好多朋友，個個都好錫我，對我好好。只係自己唔夠福氣，無得同大家繼續做朋友。唉！
原來一切都係整定，其實嗰日好似有啲先兆咁。嗰日，我有一刻諗過唔去，覺得好心緒不寧，講唔出點解，好似周身唔自然咁，但諗下諗下，就同自己講，唔好咁衰女喇，講咗去咪去囉！
落水之後，突然間，覺得凍咗一下，係毛管戙嗰種。好快就出事。
搵到（好朋友）曼華（報夢俾佢），其實唔係咁容易嘅事，我都係屬於（得到）特赦，先可以咁快，可以同個friend 講嘢。
其實所謂入夢，都係兩邊有鬼差守住。第一，唔可以講咁耐；第二，唔可以講咁清楚死咗之後陰間嘅情況。
我哋好彩，可以同 師父講嘢，有機會脫離苦海，早日得到機會轉化。
師父你咁忙都幫我，唔好意思，唔該晒，辛苦晒， 師父！
我仲想講，有好多好多『人』想等到呢個機會，可以脫離苦境。但係，原來好似好簡單嘅事，都唔係諗下就得到。
師父，唔想阻你食飯。真係好多謝 師父！仲有，多謝Autie，多謝我班friend，多謝所有關心我嘅人。當然，好多謝我嘅家人。大家唔使掛心我，我搵到 師父，都係二哥（法尊先師）帶我嚟，二哥（法尊先師）話係 祖師爺特別放行。
（微笑） 師父你真係好犀利，耳邊咁多聲，咁嘈， 師父都可以咁專注（聽我講）。（微笑）原來，做 師父真係唔容易，好唔容易。
唔講喇， 師父攰喇，唔阻 師父同 師伯、師姐食飯。多謝 師父，感恩 師父！
天好大，但係唔再藍；地好大，但係唔再好行。
一切都係命。
多謝 師父！感恩 師父！多謝所有我認識嘅人，大家保重！
南無阿彌陀佛
18:30 畢
延伸閱讀
463 total views, 1 views today