2022年7月20日
香港書展，第一天，中午。
善信朋友亞興，特意來灣仔會展，到本法門攤位探望我們，給我們支持，為我們打氣。
疫情快三年了，仍然各有各忙。工作的工作，靜修的靜修，久未聯繫。互相問候了近況，這位誠修佛法，個子高大的救護員說，今年3月份，工作特別的忙。
隨後，亞興還說，最近一位親人，大姨，太太的家姐，突然離世，很年輕的。說這位親人是在睡夢中往生，與疫情無關。輕談至此，亞興口中的大姨，這位往生者很有緣，受 祖師爺加持，特准「連線」。
中午12時04分
善靈[馬X燕]：「我好多嘢想講，一切太遲；唔想再講。（家人們）唔使擔心，我好好，多謝（亞興）你今日引薦我見 師父，希望 師父俾我留低，我唔講喇。」（哭）
知道[馬X燕]有話要說，法玄立刻做記錄。
中午12時06分
[馬X燕]：「師父啊！多謝您！」
哭着說：「您老人家好有心，我好有福氣。
真嘅，好多謝我呢個妹夫（亞興），心地好好，人又好好，真係無得彈。
家人估唔到，我自己從來都無諗過，瞓着咗，竟然唔會再醒。
有人話瞓着走咗，係修得好，好有福氣。其實唔係絕對㗎！我醒咗之後，發覺自己喺一個奇怪嘅地方。我話奇怪，係因為未去過，未見過，都無想過。
師父，多謝 師父，感恩您老人家！」
[馬X燕]立即跪下，說：「我見到傳說中嘅二哥（先師）喇！多謝 二哥（先師）！多謝 師父！
係（ 二哥教我應該講感恩），係，係感恩 祖師爺！感恩 師父！感恩 菩薩！」
[馬X燕]很悲傷的再哭了。
[馬X燕]：「感恩 二哥（先師）！
師父啊！我好唔開心，好唔甘心，好多嘢想做，未做；好多嘢想學，未學。仲有好多說話想同家人講：『我愛，好愛你哋，好愛呢個家。我好幸福，好感恩有你哋做我嘅家人，愛錫我，保護我。』我一生人，未做過咩特別好好嘅事，都無做衰嘢。好多嘢唔明，但而家，（就算）知（點解自己咁早離世）都無意思。
原來，無咗肉身，好唔自在。啲人以為無咗肉身就好自由，其實唔係嘅，係⋯⋯唔係你想點就點嘅，有好多限制，好多約制嘅！
師父，多謝您，我（見到 師父，講咗以上一番說話之後）突然間覺得舒服好多，無之前咁辛苦，無咗之前好唔開心嘅感覺，多謝 師父！感恩 師父！
多謝我呢個好妹夫，多得佢唔少！真嘅，係真心好多謝；功德，我收到八成，收唔到十足。係因為平時自己好多唔認識，好多想法，所以，功德收唔足。但係我真係好多謝，好多謝，家人個個對我都好好，特別係我走得咁突然。（離世之後，見到家人們對我嘅愛，我更加睇清楚，感受到。）」
[馬X燕]：「 師父，原來咁得意嘅！（離世後）我聽到「好多人」勸我，叫我睇開啲，適應咗就咩事都冇。但， 師父啊⋯⋯我唔係真係咁叻㗎，外表睇上去醒醒目目，但我個人好蠢。死咗之後更加蠢，又固執，死都唔聽『人』講，一味喺度諗，越諗條氣越唔順，點解係我，點解揀我（咁早死）？
師父，如果有來生，我會乖乖哋，會認真學，誠心學。唔會胡思亂想，唔會亂噏。
師父， 二哥（先師）帶我走喇，我本來仲有好多嘢想講，但又覺得無嘢要講喇！（這時，[馬X燕]的樣子不再愁，很開心。）我舒服晒（開心晒）喇！我見到喇，見到遠遠好靚（景象），二哥（而家）帶我去嗰度！ 師父，麻煩 師父同我再向佢（亞興）講聲多謝，千多萬謝，後會有期！（淨土再見）
多謝 師父！感恩 師父！
感恩好慈悲嘅，萬能大願嘅 祖師爺！
南無阿彌陀佛」
善靈[馬X燕]很誠心，很用力，很急的叩頭，誠心向 祖師爺叩頭謝恩！
「多謝 師父，辛苦晒 師父！
多謝師姐！
感恩二哥同菩薩！
感恩我嘅家人們，同埋愛錫我嘅人！你哋（俾我）嘅祝福我收到晒，如果有來生，仍然想再遇見，一齊學佛，一齊信道，一齊做好事，一齊⋯⋯好多一齊，想同大家一齊做，一齊享人生中最寶貴嘅福⋯⋯去愛同被愛。
大家保重！
南無阿彌陀佛」
12:48 畢
資料補充
亞興大姨[馬X燕]，2022年3月11日往生，時51歲。生前與妹妹及妹夫（亞興）同住，亞興形容，大姨「身體一向無事，無病無痛」，且與妹妹感情好好，平日飯後二人有出街散步15至20分鐘的習慣。
往生前一晚，3月10日晚上8:00左右，她倆如常外出散步，期間大姨對妹妹說，感到有點氣促，但很快便沒事。
3月11日，早上10時，亞興當夜班收工回家，剛巧遇到大姨準備外出吃早餐，吃完早餐回家，大姨說感到頭暈，要入房睡一會。亞興下午3時左右見大姨仍在房間，沒動靜，便叫太太一同入房查看。入房發現，她已經「凍哂」，立即「call白車」(召喚救護車)，但已經太遲，人已離世了。
亞興憶述大姨生前，身材屬偏肥類型，雖然表面看上去好像很健康的一個人，但亞興覺得「佢人有點水腫，唔算真正健康」；加上有吸煙習慣，亦很喜歡吃，運動量不足，而且經常熬夜，令亞興覺得「佢應該係膽固醇塞咗(血管)，應該心臟出事。」
2022年7月20日 筆錄於香港書展
註：後來家人於8月得知，[馬x燕]死因報告是死於心臟病。
643 total views, 2 views today