《晴明錄》先師母說第日喺淨土見

 

 

 2022年6月15日  13:30

 

阿女!(我係)阿媽啊!

 

我好感恩!

 

有 祖師爺加持!
有 伏英老師公加持!
有 諸佛菩薩加持!(我好感恩!)

 

妳頭先都睇到啦!我(離世)之前,已經換咗件衫,件衫好靚,你哋講莊嚴!

 

阿女,我好感恩!好榮耀!好光彩!

 

(我)心好歡喜!真係覺得好不可思議!原來真係得!原來妳講嘅嘢(臨終)係真嘅!

 

我真係覺得好有面!有好多菩薩嚟接我,個個,唔係,係位位菩薩好靚、好莊嚴!成個天都係(菩薩),(着住)彩色嘅衫,無見過咁靚嘅衫,真係好靚,(我感到)好歡喜!

 

我係好感恩妳!乖女!我都好感恩其他仔女同兒孫,個個都好乖,都嚟(念佛)送我,我真係好開心!

 

阿女! 師父!

 

原來妳講得一啲都無錯,「要有信念,要堅定,要放下。」妳一路讚我叻,我好慚愧!邊度(算)叻呀!(以前)我成日覺得妳好煩,三句唔埋兩句就同我講要記得念佛啊!要俾心機念,唔好停,要誠心念南無阿彌陀佛,要一心一意求生淨土,邊度都唔好去,要記住記住,要養成習慣,要誠心念。妳講完又講,提完又提。講真,真係長氣過阿媽!講真,真係(有時)怕咗妳!

 

仲有,頭先,臨走(往生)之前,妳(見到)叫我接住朵蓮花,我好誠心即刻(雙手)接住,(細細朵淺粉紅色帶淺紫的有莖蓮花)好靚。原來係象徵式,等我心生歡喜!

 

師父!阿女!我而家好好,好舒服,好感恩! 祖師爺好慈悲! 觀音菩薩好慈悲!仲有, 伏英老師公(老二教我講)同佛菩薩真係好慈悲!我好感恩!

 

阿女! 師父!唔使掛喇!我得咗喇!真係啱啱學識(講)不可思議!原來係真嘅!只要信,要好誠心咁信,咁就得㗎喇!

 

阿女! 師父!唔好再捱咁多夜喇!好傷身㗎!

 

阿女! 師父!妳嘅壇真係好莊嚴(老二教我唔係講靚)!

 

師父!唔好咁操勞喇!身體真係好重要。

 

師父!多謝妳!(雖然)聽起嚟好奇怪,點解阿媽多謝個女!係真嘅,我好滿足,好歡喜!今生能有咁大福報真係好⋯⋯講唔出⋯⋯

 

好多謝!好感恩!原來真係得嘅!只要有信心,有信念!

 

師父!妳教我嘅,原來真係好實際,好實用,特別係臨終嘅時候,真係爭分奪秒!

 

臨終嘅時候, 師父讚我叻,話我呢一生做得好好,又同我講人生要圓滿啦,要離開喇,要誠心念佛,唔好驚,唔好亂,唔好擔心, 師父仲教我一句跟住一句念。 師父,妳把聲好好聽,同平時好唔同,一聽就入心,成個人靜晒,好奇妙。 師父仲同我講人生要圓滿啦,過往一切已成過去,一心展望將來,目標只有一個:生於淨土。

 

師父話嗰度係極樂世界,無(生老病死)四苦。

 

師父話人生嘅生老病死四苦已成過去,唔存在喇,又話淨土係好莊嚴嘅地方,只要一心一意要去淨土,誠心念佛,一切放下。

 

師父仲同我講,身體已經敗壞,唔好留戀。教我感恩身體菩薩,感恩自己身體五臟六腑皮肉筋骨、血、血管骨髓⋯⋯( 師父)同我講感恩身體(感恩所有器官)及身體每個部份,同我講身體都要放下喇,要保持靈性清淨,誠心求生淨土。 師父話淨土地方好莊嚴,好靚,金、銀、珍珠、瑪瑙、硨磲、琥珀⋯⋯係世間唔會見到咁靚嘅,多謝 師父!我好期待!

 

師父,妳仲教我,(要)一心求 阿彌陀佛接我,話專注咁念 觀音菩薩同 大勢至菩薩,好多菩薩都會嚟接我。原來係真嘅!雖然我合埋眼瞓响(病)床度,但其實唔係咁嘅。我其實係好精神半躺床上等 阿彌陀佛、觀音菩薩(諸佛菩薩)嚟接我,我好專心,係 師父一而再再而三提我,我跟住 師父一句一句誠心念(佛)。其實念咗唔係好耐,我感覺唔同咗,好唔同,啲空氣嘅味道好唔同,好甜,好香,個人覺得好舒服,就正如 師父講嘅,無晒負擔,無病痛或擔心,或怨恨嘅感覺,就係輕安嘅感覺。

 

仲有, 師父都覺得,都知道,真係人走咗,係好叻嘅。特別係去到淨土或好嘅地方,成個人會唔同晒,係真係叻咗嘅,同在世時所謂嘅叻唔同,係真嘅!

 

師父,我仲有好多嘢想講,但都係多謝同感恩!好多謝⋯⋯感恩 祖師爺俾個機會我,好感恩 阿彌陀佛同佛菩薩,我好多謝,好感恩( 祖師爺同佛菩薩)特別開恩!好多謝啲仔仔女女同啲孫,仲有玉蓮(甥女)同埋醫生護士,仲有隔離床阿姨同護工阿姨,佢哋真係好照顧我,我真係好有福!

 

女啊!要好好休息!唔好咁操勞!家人(們),大家都要努力! 師父講咗,大家都會修好啲,第日喺淨土見。

 

感恩 祖師爺!
感恩 伏英老師公!
感恩 佛菩薩!
多謝,感恩師父家人同徒弟,大家真係好乖。
師父,休息吓啦!感恩!

 

見到先母面色好靚,樣子很莊嚴,年輕很多,很開心的,穿着也很簡約而莊嚴。

 

15:55畢

 

 

誠心感恩

 

南無阿彌陀佛

 

感恩 祖師爺!
感恩 伏英老師公!
感恩 諸佛菩薩!
感恩 多生祖師、先恩師!
感恩 老師公老師父!
感恩 二哥先師!

 

感恩 諸位法師、高僧、上師、大德!祝願    諸位法師、高僧、上師、大德長住在世,法體安康,廣度有緣!

 

先母許鳳雲法秀
積潤享壽九十有六

 

誠願
先母許鳳雲法秀
蒙佛接引往生淨土

 

感恩同修、道親、佛友!
感恩家人、弟子、親友及有緣人!
願大家合家平安吉詳,正念成就!

 

南無阿彌陀佛
林法玄合十
壬寅年五月十七日
2022年6月15日

 

 

 991 total views,  1 views today

 

Others Post...